საზოგადოება
ტექსტის ზომის შეცვლა
+
-
გუშინ, ღამით ხორავას ქუჩაზე მომხდარი მკვლელობის საქმეზე, ნიკა კაპანაძე დააკავეს. ახალგაზრდა კაცი სპეცრაზმმა, ბრალდებულის დედის კუთვნილ სასტუმროში დააკავა.
გავრცელებული ინფორმაციით, კაპანაძემ სამართალდამცავებს წინააღმდეგობა გაუწია და ამ წინააღმდეგობისას დაიჭრა.
რაც შეეხება მკვლელობის ფაქტს, ადგილობრივების ინფორმაციით, ნიკოლოზ კაპანაძე, სასტუმროსთან ახლოს ახალგაზრდების ხმამაღალმა სიცილმა გააღიზიანა.
ახალგაზრდა კაცმა მათი მისამართით დაახლოებით 10-ჯერ გაისროლა.
გასროლის შედეგად სამი ადამიანი დაიჭრა. 17 და 18 წლის ახალგაზრდები და გამვლელი ქალბატონი, რომელიც ტაქსით გადაადგილდებოდა.
დაჭრილი ახალგაზრდებიდან ერთ-ერთი, 17 წლის ნიკოლოზ ღუნაშვილი, გვიან ღამით კლინიკაში გარდაიცვალა.
07/23/2026