21 ივნისი - მზებუდობის მაგია

21 ივნისი წლის ყველაზე გრძელი დღე და ყველაზე მოკლე ღამეა. ზაფხულის მზებუდობა ის თარიღია, რომელსაც სხვადასხვა კულტურაში განსაკუთრებული სიმბოლური მნიშვნელობა ენიჭება. უძველესი დროიდან ეს დღე განახლებასა და ახალი ეტაპის დასაწყისთან ასოცირდებოდა.
ასტროლოგები მიიჩნევენ, რომ მზებუდობის პერიოდი კარგი დროა საკუთარი მიზნების გადასახედად, მნიშვნელოვანი გადაწყვეტილებების მისაღებად და პოზიტიური ცვლილებებისთვის.

ლითოთერაპევტი თამუნა იოსელიანი ამბობს, რომ მზებუდობის სიმბოლო, ზაფხულის დედოფალი ამ დღეს ის საოცარ გვირგვინს ირგებს და ადამიანებს შეახსენებს, რომ სიუხვე უკვე ადგილზეა.

"21 ივნისს, როდესაც მზე ცის უმაღლეს წერტილს აღწევს და წლის ყველაზე გრძელი დღე დგება, იწყება განსაკუთრებული დრო - ზაფხულის მზებუდობა, ბუნიობა.

ეს ბუნების ზეიმია. პერიოდი, როდესაც დედამიწა სავსეა სიცოცხლით, ყვავილებით, სიმწვანითა და სიუხვით. ჰაერში მზის სითბო ტრიალებს, ბაღები ყვავის, ხოლო საღამოები ოქროსფერ სინათლეში იძირება.

ამ დღის ერთ-ერთი ყველაზე ლამაზი სიმბოლოა ზაფხულის დედოფალი.

ის არ არის კონკრეტული ქალღმერთი ან ისტორიული ფიგურა. იგი თავად ზაფხულის სულის, ბუნების სიუხვის, სილამაზისა და სიცოცხლის ძალის განსახიერებაა.

ყვავილების, ბალახებისა და სიმწვანის გვირგვინით შემკული ზაფხულის დედოფალი გვახსენებს, რომ ბუნება ახლა თავისი ძალის მწვერვალზეა.

დედამიწა უხვად გვჩუქნის თავის საჩუქრებს.

ყვავილები გაშლილია, მწვანილი არომატითაა სავსე, ფუტკრები ნექტარს აგროვებენ, მინდვრები და ბაღები კი სიცოცხლით სუნთქავენ.

ყვავილების გვირგვინის საიდუმლო

მზებუდობის ერთ-ერთი უძველესი ტრადიცია ყვავილების გვირგვინის დაწნაა.

ვარდები, გვირილები, ლავანდა, მზესუმზირები და სხვა ზაფხულის ყვავილები ერთიანდება გვირგვინში, რომელიც ბუნების სიუხვესა და კეთილდღეობას განასახიერებს.

თითოეული ყვავილი თავის ისტორიას ატარებს , მზის ენერგიას, ზრდას, სილამაზესა და იმ ძალას, რომელმაც პატარა თესლი აყვავებულ ყვავილად აქცია.

და სწორედ აქ იმალება მზებუდობის მთავარი გზავნილიც.

როგორც ყვავილები არ იშლებიან ერთ ღამეში, ისე ჩვენი ოცნებები, მიზნები და ჩანაფიქრები დროს, ზრუნვასა და რწმენას საჭიროებს.

მზებუდობა გვთავაზობს დავფიქრდეთ:

რა გავზარდო ჩემს ცხოვრებაში ამ გაზაფხულიდან?
რა ოცნება იწყებს აყვავებას?
რისთვის ვარ მადლიერი?
რომელი ნაყოფის მიღებას ველოდები უახლოეს თვეებში?

თუმცა მზებუდობა მხოლოდ სინათლის ზეიმი არ არის. ეს გარდამტეხი წერტილიცაა.

წლის ყველაზე გრძელი დღის შემდეგ მზე ნელ-ნელა იწყებს ზამთრისკენ მიმავალ გზას. ბუნება კვლავ ბრწყინავს, მაგრამ უკვე იწყება მომავალი მოსავლისთვის მზადება.

21 ივნისს შეგიძლია:

შეიძინო ბუნებრივი კრისტალები;

გაიკეთო ყვავილების გვირგვინი;
მორთო სახლი ყვავილებით;

აანთო სანთელი მზის პატივსაცემად;
დაწერო სურვილები;
მეტი დრო გაატარო ბუნებაში;
მადლობა გადაუხადო სამყაროს ყველაფრისთვის, რაც უკვე აყვავდა შენს ცხოვრებაში.

როცა ზაფხულის დედოფალი გვირგვინს ირგებს, ბუნება გვახსენებს, რომ სიუხვე უკვე ჩვენს გარშემოა - საჭიროა მხოლოდ მისი დანახვა და მიღება.

დაე, მზებუდობის სინათლემ გაანათოს შენი გზა, ხოლო ზაფხულის ენერგიამ შენი ოცნებები აყვავებულ ბაღად აქციოს.