3 წიგნი, რომელიც 10 წლამდე ბავშვმა აუცილებლად უნდა წაიკითხოს - გიორგი კეკელიძე გვირჩევს

ბავშვებისთვის წიგნების წაკითხვის დაწყებას, ფსიქოლოგები სიცოცხლის პირველი თვეებიდან გვირჩევენ, ჯერ კიდევ მაშინ, როცა ბავშვს წაკითხულის აზრი არც კი ესმის.
მეცნიერები ამტკიცებენ, რომ ამ დროს, თქვენი პატარა ბევრ სხვადასხვა სიტყვას ისმენს და იმახსოვრებს, რაც მომავალში სიტყვათა მარაგის გამდიდრებაში დაეხმარება.
მიიჩნევა, რომ ამ ასაკში სასარგებლოა რიტმული და მელოდიური საბავშვო ლექსების წაკითხვა, რაც პატარას სმენისა და მეტყველების განვითარებაში ეხმარება.

მშობლები ხშირად სვამენ კითხვას იმის შესახებ, თუ როგორ შეურჩიონ შვილებს წიგნები იმ ასაკში, როცა ბავშვი კითხვას თვითონ იწყებს და წიგნს უმეგობრდება.
ფსიქოლოგები ნახატებიანი, ილუსტრირებული წიგნებით დაწყებას გვირჩევენ და ამბობენ, რომ ფერადი ილუსტრაციები კითხვის პროცესს სასიამოვნოს ხდის.
სასურველი თემატიკისა და ჟანრის ლიტერატურის შერჩევა ჩვენი შვილებისათვის, დღეს საკმაოდ მარტივია. არჩევანი კი დიდია,
კითხვით, თუ რომელი სამი წიგნი უნდა წაიკითხონ ჩვენმა შვილებმა 10 წლის ასაკამდე, zmna.ge მწერალ გიორგი კეკელიძეს დაუკავშირდა.

ნოდარ დუმბაძის საბავშვო ლექსები
მარკ ტვენის "ტომ სოიერის თავგადასავალი"
ასტრიდ ლინდგრენის ნებისმიერი ნაწარმოები, - ასეთია გიორგი კეკელიძის სამეული.