სასარგებლო რჩევები
ტექსტის ზომის შეცვლა
+
-
ლიტერატურა მხოლოდ გასართობი ან დროის გასაყვანი საშუალება არ არის. იგი ჩვენი ეროვნული იდენტობის, კულტურისა და სულიერი სიმდიდრის საძირკველია.
რომელი წიგნები ქმნის ქართული აზროვნების ბირთვს და რატომ არის მნიშვნელოვანი მათი არა ზედაპირული, არამედ გააზრებულად წაკითხვა?
მწერალი გიორგი კეკელიძე, იმ აუცილებელ ნაწარმოებებს ასახელებს, რომლებიც თითოეულ ქართველს სიღრმისეულად უნდა ჰქონდეს გააზრებული.
გიორგი კეკელიძე:
„ქართველს აუცილებლად უნდა ჰქონდეს წაკითხული „ვეფხისტყაოსანი“. ოღონდ მართლა წაკითხული და არა ზედაპირულად, ან რამდენიმე საზეპიროს ცოდნით, ასე ვთქვათ, ფონზე გასვლისთვის.
ასევე ვაჟა-ფშაველას „ალუდა ქეთელაურს“ შევთავაზებდი აუცილებლად.
და იმისათვის, რომ იგრძნოს, რა არის ქართული ლექსი (და ჩვენ პოეზიის ჩემპიონები ვართ, შეიძლება მსოფლიო ჩემპიონებიც კი... უბრალოდ ერთი რაღაცით არ გაგვიმართლა, რომ დიდი ქვეყანა არა ვართ; დიდი ენა გვაქვს, მაგრამ არ არის მსოფლიო ენა და ამიტომ ამ ადამიანებს დღეს მსოფლიო ჯეროვნად არ იცნობს) წავაკითხებდი, მაგალითად, გალაკტიონ ტაბიძის ლექსს "ქარი დაცხრა სიბობოქრის."
07/22/2026