5 მნიშვნელოვანი ნაბიჯი ბავშვებში სწორი კვების ჩვევების ჩამოყალიბებისათვის - პედიატრი ძმების რჩევები

ბავშვებში სწორი კვების ჩვევების ჩამოყალიბება ძალიან მნიშვნელოვანი საკითხია. მშობლების უმეტესობა ჩივის, რომ პატარებს სწორი კვების წესებთან დამეგობრება უჭირთ. ეს შედეგი, სხვა უამრავ მიზეზთან ერთად, შესაძლოა მშობლების მიერ გაუცნობიერებლად დაშვებულ შეცდომებთანაც იყოს დაკავშირებული.

პედიატრი ძმები დავით და კონსტანტინე ჩახუნაშვილები გამომწერებს უზიარებენ 5 წესს, რომელთა გათვალისწინებაც მომავალში კვებითი პრობლემებს წარმოშობას უშლის ხელს.

„იმისათვის რომ ბავშვს მომავალში კვებითი პრობლემები არ აწუხებდეს, საჭიროა რამდენიმე წესის გათვალისწინება," - ამბობენ პედიატრი ძმები.

1. რა თქმა უნდა დედის რძე შეუცვლელია და 4-6 თვემდე ბავშვი მხოლოდ დედის რძით შეიძლება იკვებებოდეს, თუმცა ასევე მნიშვნელოვანია მყარი კვების სწრაფი ინიციირება.რაც დამოკიდებულია კრიტერიუმებზე და თუ ბავშვი აკმაყოფილებდათ კრიტერიუმებს, 4-6 თვიდან შეგვიძლია მას მყარი საკვები მივაწოდოთ

2. ძალიან მნიშვნელოვანია თვითკვებაზე დროული გადასვლაც. თვითკვება, კლასიკური მეთოდის დროს იწყება „ფინგერფუდებით“ ანუ თითის ფორმის საკვებით 8-10 თვის შუალედში, თუმცა ზოგიერთი მშობელი თავიდანვე თვითკვების მეთოდით იწყებს საერთოდ კვებას. ანუ მყარ საკვებს, 6 თვიდანვე, თვითკვების მეთოდით აძლევს.

3. შეგიძლიათ თვითკვების მეთოდი სახალისო გახადოთ. თეფშზე დაალაგეთ სხვადასხვა ფერის მყარი საკვები და მიეცით ბავშვს საშუალება თვითონ აირჩიოს.

4. შეგიძლიათ ბავშვთან ერთად თქვენც მიირთვათ საკვები, რომ მივცეთ მას მაგალითი.

5. ასევე გაითვალისწინეთ, რომ არასოდეს მოატყუოთ ან დააძალოთ ბავშვს საკვები, რადგან ესეც მომავალში პრობლემად შეიძლება გარდაიქმნას.