5 რჩევა მათ, ვისაც მავნე ჩვევების მოშორება სურს

გაწუხებთ საკუთარი მვანე ჩვევები და გსურთ გადაეჩვიოთ?

ყველა თანხმდება, რომ ეს პროცესი მარტივი არ არის და დიდ ძალისხმევას მოითხოვს.

სპეციალისტები ამბობენ, რომ მვნე ჩვევების დასავიწყებლად გარკვეული წესების დაცვა და პროფესიონალთა რჩევების გათვალისწინება მნიშვნელოვანია.

გთავაზობთ მავნე ჩვევევბთან ბრძოლის 5 უტყუარ მეთოდს ფსიქოლოგი ლაშა ჯაყელისაგან.

„მავნე ჩვევის გადასწავლის 5 უტყუარი გზა:

1) თუ 10 მავნე ჩვევა გაქვს, არ აირჩიო ათივეს გადასწავლა.

ამის ნაცვლად ამოირჩიე მხოლოდ ერთი. თუ ათივეს ამოარჩევ ვერცერთს გადაისწავლი.

ამ ერთ ჩვევას მიანიჭე კონკრეტული დედლაინი - თვის ბოლოს, ეს ერთი მექნება ჩანაცვლებული X-ით.

მე მაგალითად ვსვამდი ბევრ ყავას და ვირღვევდი ძილს. ამის გამო ის ჩავანაცვლე ჩაით და ძილის გაუმჯობესებით ენერგია ამიმაღლდა 20%-ით. დააკვირდი რა არ მიქნია:

მე არ მიცდია ყავის არ დალევ

ა და ნაცვლად არაფერი.

არამედ ყავა ჩავანაცვლე სხვა ცხელი სასმელით.

ამ გზით შენი ტვინი ჩვევის გარკვეულ კმაყოფილებას მაინც იღებს და მოთხოვნას აკმაყოფილებს.

2) ჩაანაცვლე მავნე ჩვევა ნაკლებად მავნე ვერსიით სანამ დადებითზე გადახვალ.

კოკა-კოლა ხდება უშაქრო გაზიანი სასმელი

გაზიანი სასმელი - წყალი

სიგარეტი - ვეიფი

ვეიფი - ნიკოტინის ლოზენჯი

ნიკოტინის ლოზენჯი -კევი

უმოძრაობა - 10 ჩასუნთქვა

10 ჩასუნთქვა -10 „ჩაკუნტვა“

10 „ჩაკუნტვა“ - მხოლოდ გარეთ გასვლა

გარეთ გასვლა 10 - წუთი სიარული

10 წუთი სიარული -10 წუთი ძუნძული

გარეთ ჭამა - სახლში ჭამა

აქ იდეა არის მხოლოდ ერთი, კუს ნაბიჯით გაუმჯობესება რომ ყოველდღე განახორციელო არა ორი, არამედ ერთი.

3) ცვალე აქტივობები მანამ სანამ არ იპოვი რამეს რაც ყოველდღე გაკეთებადია.

თუ სიარული არ გსიამოვნებს - ცურვა

თუ ცურვა არ გსიამოვნებს - იოგა

თუ იოგა არ გსიამოვნებს - ჯიმი

თუ ჯიმი არ გსიამოვნებს - შენი წონით ვარჯიში

აქტივობას თუ ძალით აკეთებ, დიდხანს ვერ გააკეთებ და შედეგი არ გექნება.

თუ ბევრი ნებისყოფა გჭირდება, ზურგის ქარი არ გაქვს.

4) რომელი ჩვევაც ძალიან ძნელია, ქუცმაცდება ქმედების აღმოცენების მინიმალურ ვერსიამდე.

როცა ამერიკის სალიცენზიო გამოცდებისთვის ვემზადებოდი, მახსოვს ჯერ უბრალოდ ბიბლიოთეკაში დავდიოდი, მეგობრებს ველაპარაკებოდი და ორ საათში უკან მოვდიოდი.

ნელ-ნელა კითხვა დავიწყე, მერე 8 საათამდე გავზარდე კითხვის დრო.

როცა ვიდეოების ჩაწერა დავიწყე, მახსოვს ისე ვღელავდი ხელი მიკანკალებდა და კადრი ქანაობდა. ჩემს თავს ვუთხარი რომ გეგმა იყო უბრალოდ 10 წუთი კამერის წინ ჯდომა და პირის მოძრაობა. შემდეგი გეგმა იყო, იმის გაზომვა რას ვამბობდი, მერე რამდენად ნათლად გადმოვცემდი სათქმელს და ასე...

„მინდორი“ რომ დავიწყე ერთ-ერთ პირველ კლიენტს ვურჩიე ჯიმში წასულიყო და უბრალოდ აბონიმენტი აეღო. მერე ჯიმში უბრალოდ ებანავა. მერე ყველაზე მსუბუქი ჰანტელებით ევარჯიშა და ასე.

ხომ ხვდები იდეას?

ჩვევა ყალიბდება

გ ა ნ მ ე ო რ ე ბ ი თ, რისი საფუძველიც ქმედების უკიდურეს დონემდე გამარტივებაა.

5) მოაწყე გარემო სასურველი ჩვევის გასამარტივებლად და მავნე ჩვევის გასართულებლად.

იოგის ვარჯიში თუ გინდა, საწოლიდან რომ ადგები პირდაპირ მატზე აბიჯებ.

რომელიმე საკვები დანამატის მიღება თუ არ გინდა გამოგრჩეს, მხოლოდ ის გიდევს კომპიუტერის წინ.

ტკბილეულის არიდება თუ გინდა, მაღაზიაშივე ირიდებ იმ სექციას, სადაც ტკბილეული იყიდება

სირბილი თუ გინდა კარებთან მხოლოდ სირბილისთვის განკუთნვილი ბოტასები გიწყვია, რომელიც მხოლოდ სირბილთან ასოცირდება.

კითხვა თუ გინდა, კონკრეტული ადგილი და სკამი გაქვს რომელიც მხოლოდ კითხვისთვის არის განკუთვნილი.

ასე დაუსრულებლად...

მინდოდა ქცევითი ნეირომეცნიერებიდან ეს ფუნდამენტური პრინციპები გცოდნოდა იმისთვის, რომ რაც 2026-ში ჩაიფიქრე განახორციელო,“- ურჩევს ფსიქოლოგი იმ ადამიანებს, რომელბმაც 2026-ში მავნე ჩვევებთან დამშვიდობება გადაწყვიტეს.