AI ევროპის ოლიმპიადაზე ქართველებმა 4 მედალი მოიპოვეს

საქართველოს ნაკრები ცენტრალური ევროპის AI ოლიმპიადაზე წელს პირველად მონაწილეობდა. CEOAI ხელოვნური ინტელექტის რეგიონული ოლიმპიადაა. CEOAI-ის ნაკრები GAIA-ს AI ლიგის გამარჯვებულებისგან შედგება.

ეროვნული ნაკრების 4 წევრი და 4 მედალი - ევროპის AI ოლიმპიადაზე საქართველოს ნაკრებმა 1 ოქროს, 2 ვერცხლის და 1 ბრინჯაოს მედალი მოიპოვა!

ოქროს მედლის მფლობელი გიორგი მაისურაძე გახდა. ვერცხლის მედლები მიიღეს - მათე რეხვიაშვილმა და ნიკა ყიფშიძემ. ბრინჯაოს მედალი კი ანტონ ინგოროყვამ მოიპოვა.

• გუნდურად კი საქართველომ 25 ქვეყანას შორის მე-4 ადგილი მოიპოვა. წინ ხელოვნური ინტელექტის საერთაშორისო ოლიმპიადაა.