"ახლა ვხვდები სიდედრების პოზიციას, სიძეებს რომ ეტენებიან" - ნინო ჩხეიძე სიძეზე

ნინო ჩხეიძე სიძესთან და ქალიშვილთან ერთად გადაღებულ ფოტოებს აქვეყნებს.

კანადელ ჯერემი ელენორს და მარიკო კორახაშვილს ოთხ წლიანი ურთიერთობა აკავშირებთ. წყვილმა ერთმანეთი საქართველოში გაიცნო. მერე იყო მიმოწერა. ოქტომბრის მიწურულს კი, ჯერემმა მარიკოს ხელი ბობ დილანის კონცერტზე სთხოვა. "და მე ვთქვი კი" - მომღერლის ქალიშვილმა, სოციალურ ქსელში, ბეჭდიანი ფოტო გამოაქვეყნა.

"სიძისადმი ლოიალური ვარ და სულ ვცდილობ, ვასიამოვნო. ახლა ვხვდები სიდედრების პოზიციას, სიძეებს რომ ეტენებიან. ვცდილობ, რაღაცაში არ ჩავიჭრა, მაქსიმალურად კმაყოფილი იყოს. ახლოს მივიღე... რახან შვილს ასე ბედნიერს ვხედავ, ამით მეც ბედნიერი ვარ.

ჯერემი სპორტსმენია. უკრავს საქსოფონზე და გიტარაზე, მუსიკალური ბიჭია.

ოფიციალური ნიშნობა არ ყოფილა. ჯერ ჯერემის მშობლებს არ ვიცნობ. წინ მაგისტრატურაში სწავლაა... ამიტომ ჯერ ქორწილს არ ჩქარობენ..." - ისაუბრა ნინომ ლაშა რამიშვილთან და ნატუკა გულისაშვილთან ("პოსტივიზე").