"არ იწუწუნო, ტვინს უნდა მიაწოდო, რომ კარგად ხარ" - იუბილარ კირა ანდრონიკაშვილის რჩევები

კირა ანდრონიკაშვილი იუბილარია. მსახიობი 80 წლის გახდა. დღემდე არაჩვეულებრივად ლამაზი და სათნოა. "ზმნასთან" ხუმრობს - ჯერ არ დავბადებულვარ, საღამოს ათ საათზე დავიბადებიო.

ჩვენს მკითხველს კი იმ პატარა რეცეპტს აწვდის, რითიც ასაკში მხნეობისა და სილამაზის შენარჩუნებას შევძლებთ. მას კი, ნამდვილად უნდა ვენდოთ...

კირა ანდრონიკაშვილი: - როგორც გამოვიყურები, იმდენი წლის გავხდი. თქვენც რომ ასე იყოთ, ამისთვის:

ტვინს უნდა მიაწოდო, რომ კარგად ხარ. სულ რომ რამე გტკიოდეს, უნდა იმეორო, იფიქრო, რომ კარგად ხარ; უკეთ გახდებით და ეს მოგეხმარებათ.

არ შეიძლება წუწუნი და ადამიანების შეწუხება. მე რომ არ ვწუწუნებ, ჰგონიათ, რომ არაფერი მაწუხებს. ან რატომ უნდა ვიწუწუნო? ადამიანი ვარ და ღმერთმა ბევრი სიკეთე მომცა...

უსმინეთ მუსიკას, განწყობისთვის. საქმის, სადილის მზადების დროს, ჩაცმის დროს და ყველაფერი უკეთ გამოგივათ.

აფრქვიეთ პოზიტივი. გაიღიმეთ, ქუჩაშიც კი... უცნობებს რომ გაუღიმოთ, ეს სიგიჟე არ არის.

არ იყოთ ჩამოჩაჩული. თავი ფორმაში მოიყვანეთ, თითქოს სადმე მიდიხართ.

არ არის საჭირო იდგე ხატებთან, ისედაც შეგიძლია იესოს ლოცვის თქმა - უფალო იესო ქრისტე, ძეო ღვთისაო, შემიწყალე მე ცოდვილი.

უნდა იფიქრო, რომ სხვა შენზე უარესად არის, მეტად უჭირს. ყველაფერში კარგი უნდა დაინახო.

არ ვარ კონფლიქტური. გავატარებ ხოლმე. არ ვბრაზდები. ეს მოქმედებს გარეგნობაზე.

დიდი მადლობა ყველას. ამდენი ხალხი წუხდება, მილოცავენ.

მადლობა...