არაჟნის უმარტივესი დესერტი, რომელსაც სოციალურ ქსელში ბევრი გაზიარება მოჰყვა

მარიამ გაბაშვილმა ამ დესერტის რეცეპტი გამოაქვეყნა თუ არა, მას სოციალურ ქსელში დიდი გამოხმაურება მოჰყვა. იოლად მოსამზადებელმა "ნამცხვარმა", ტკბილის მოყვარულები, ძალიან მოხიბლა.

მაშ ასე, არაჟნისგან და შესქელებული რძისგან მას მარტივად მოამზადებთ.

თასში ასხამთ 600 გრამ (20 პროცენტიანს) არაჟანს, უმატებთ 300 გრამ მოხარშულ შესქელებულ რძეს და მიქსერით დღვებთ. ჩაყრით დატეხილ 500 გრამ ორცხობილას, 70 გრამ შოკოლადის ნაფლეთს, ჩააჭრით 1 ან 2 ცალ ბანანს. კარგად გადაურევთ.

თასში ჩააფენთ საკვების ცელოფანს, მასას ზედ ჩაასხამთ და შეკრავთ, შეფუთავთ. ინახავთ მაცივარში რამდენიმე საათს, საყინულეში 2 საათი საკმარისია.

გამოიღებთ, დიდ თეფშზე გადმოაპირქვავებით, მოაცლით პარკს, ზემოდან მოახეხავთ შოკოლადს და მიირთმევთ გემრიელად.