"არავინ მოუსმინა ჩემი სიმღერის ტექსტს, ის საერთოდ არ ეძღვნება მამაკაცს" - ნეკა დოროყაშვილი

ნეკა დოროყაშვილის მუსიკალურმა კლიპმა „ამლოკე“, საზოგადოების ყურადღება და კრიტიკული გამოხმაურება მანამდე დაიმსახურა, სანამ თავად კლიპი დღის სინათლეს ნახავდა.

მომღერალი აღიარებს, რომ კლიპის სახელი ერთგვარ პროვოკაციას შეიცავს, თუმცა გული წყდება, რომ კლიპი მუსიკისა და ტექსტის გააზრების გარეშე შეაფასეს.

„დაგეთანხმებით, რომ სიმღერას ცოტა პროვოკაციული სახელი ჰქვია, მაგრამ რეალურად ასე არაა. არავინ მოუსმინა და არავინ თარგმნა სიმღერის ტექსტი.

სინამდვილეში ტექსტი საერთოდ არ შეიცავს პროვოკაციას და არ უკავშირდება მამაკაცს.

რეალურად "ამლოკე" ეს არის პარადოქსული და იგულისხმება განწმენდილი ნეკა. ქალი განიწმინდა ნეგატივისგან და ეს არის ქალებისთვის წამახალისებელი, რომ შესაძლებელია ნებისმიერი ნეგატიური გარემო დატოვო და განიწმინდო,“-ამბობს მომღერალი.