აშვაგანდა - საფრთხე თუ სარგებელი?! - ექიმები ერთმანეთს დაუპირისპირდნენ

ამერიკაში მყოფ ექიმს, მარინე ძაგნიძეს, რომელიც გამომწერებს კვებითი დანამატების შესახებ ესაუბრა და აშვაგანდას დადებით მხარეებზე გაამახვილა ყურადღება, ჯანდაცვის ექსპერტი, პროფესორი გიორგი ფხაკაძე გამოეხმაურა.

ფხაკაძე ამბობს, რომ აშვაგანდა ისეთი უსაფრთხო არ არის, როგორც ადამიანებს ჰგონიათ.

”აშვაგანდა არ არის „უდანაშაულო ბალახი". იგი წარმოადგენს კარგად დადასტურებულ რისკს:

ღვიძლისთვის

ჰორმონებისთვის

ნერვული სისტემისთვის

იმუნური სისტემისთვის

ორსულობისთვის...

მთელი სამეცნიერო მონაცემების შეჯამებით, აშვაგანდა არ უნდა იქნას გამოყენებული თვითნებურად, განსაკუთრებით საქართველოში, სადაც პროდუქტის ხარისხი, შემადგენლობა და უსაფრთხოება შეუმოწმებელია,” - დაწერა ფხაკაძემ მარინა ძაგნიძის ვიდეოს კომენტარებში.