"თან გი­ხა­რია, თან ცო­ტა­თი გე­ში­ნია" - მაყურებელი მალე იხილავს ფილმს მამა გაბრიელზე

სულ მალე ქართველი მაყურებელი კინო-თეატრებში ახალ ქართულ ფილმს ნახავს, რომელიც რეჟისორმა გიორგი კაჭარავამ ბერი გაბრიელის ცხოვრების შესახებ გადაიღო.
"ბრძოლა - ბერი გაბრიელი" - ასე ჰქვია ფილმს, რომლის სცენარზეც რეჟისორი 12 წელი მუშაობდა. გადაღებას თან ახლდა ბევრი ხელისშემშლელი ფაქტორი. ერთ-ერთ გადასაღებ მოედანზე, მოხდა ასეთი ინციდენტი - ავტოავარიას ბედად გადაურჩა გივი სიხარულიძე... მის გარდა, ფილმში არაერთი ცნობილი ქართველი მსახიობი მონაწილეობს. მთავარ როლს კი მოზარდ მაყურებელთა თეატრის მსახიობი - ზურა ავსაჯანიშვილი ასრულებს.

როგორც მსახიობმა ambebi.ge-სთვის მიცემულ ინტერვიუში აღნიშნა, როლზე მუშაობა მისთვის დიდი პასუხისმგებლობა იყო.

" თა­ნა­მედ­რო­ვე ქარ­თვე­ლი წმინ­და­ნი უნდა ითა­მა­შო - დიდ პა­სუ­ხის­მგებ­ლო­ბას გრძნობ... იქვე იაზ­რებ, ბერი გაბ­რი­ე­ლი ქარ­თვე­ლე­ბის­თვის რამ­ხე­ლა მა­მაა, რო­გორ გი­თხრათ, სა­ო­ცა­რი ემო­ცი­ე­ბი მქონ­და... ამ ყვე­ლა­ფერს დიდი დაბ­ნე­უ­ლო­ბაც ახ­ლდა. მი­დი­ხარ ამ ნა­ბიჯ­ზე და თან გი­ხა­რია, თან ცო­ტა­თი გე­ში­ნია," - ამბობს ზურა ავსაჯანიშვილი.