„ბუმერანგის ეფექტი“ — რასაც აკეთებ, შენთანვე ბრუნდება

ბუმერანგი ავსტრალიელი აბორიგენების ტრადიციული იარაღია. მისი განსაკუთრებულობა იმაშია, რომ თუ მიზანში არ მოხვდა, უკან, მფლობელთან ბრუნდება.

ავსტრალიელი აბორიგენების მიერ ნაპოვნი მექანიკა, დღეს თითქმის ყველა სფეროში გამოიყენება.

ფრაზა „ბუმერანგის ეფექტი“, სწორედ აქედან გაჩნდა. „ბუმერანგის ეფექტი“ ნიშნავს მოქმედებას, რომლის შედეგიც უკანვე ბრუნდება.

გამოთქმა აქტუალურია ყოველდღიურ ცხოვრებაში, პოლიტიკასა და ფსიქოლოგიაში.

ბუმერანგის ეფექტზე საუბრობენ, როცა ზედმეტი კონტროლი აჯანყებას იწვევს, როცა ნეგატიური კამპანია არასასურველი შედეგით სრულდება, როცა უსამართლობის ჩამდენი ადამიანი ისჯება...

მოკლედ, მთავარი წესი მარტივია: რა ენერგიასაც უშვებ სამყაროში -ადრე თუ გვიან, იმავე ფორმით უკან გიბრუნდება.

ბუმერანგი ყოველთვის ბრუნდება იმ მომენტში, როცა მას საერთოდ არ ელოდები. მეტიც, ნებისმიერი მხრიდან ურტყამს და ძალიან მტკივნეულია... სწორედ ასე მუშაობს სამყაროში ბუმერანგის ეფექტიც, თითოეული ჩვენი ქმედება გარკვეული დროის შემდეგ უკან გვიბრუნდება.