"ჩემი ტვინი და გული ერთმანეთს ებრძვიან" - თამო ვაშალომიძე

მოდელი და ინფლუენსერი თამო ვაშალომიძე ამბობს, რომ საკუთარ თავთან მუდმივ ბრძოლაშია.

„საკუთარ თავთან ჰარმონიას ვერ მივაღწიე, ეს გზა ჯერ არ დამიმთავრებია, სულ ბრძოლაში ვარ. ჩემი ტვინი და გული ერთმანეთს ებრძვიან. ხან ერთი იგებს, ხან მეორე.

ემოციური ვარ, მაგრამ ჩემს თავს პირობა მივეცი, რომ ამას დავძლევ და ყოველთვის ცივი გონებით გადავწყვეტ რაღაცას.

ძალიან ემოციური ვარ, ყველაფერზე ვნერვიულობ პატარა ბავშვივით... სერიალზე შეიძლება ისე ვიტირო, სიცხე მომცეს.

ახლა ისეთი ასაკი მაქვს, რომ ეს ემოციები უნდა მოვკლა. ახლა ეს არის ჩემი მიზანი, რომ რკინასავით უნდა გავხდე. ის კი არა, რომ უხეში გავხდე, უბრალოდ ჩემი თავი რომ არ დავისტრესო,“ - თქვა ინფლუენსერმა გადაცემაში „პირველი სტუდია“.