"დედამთილისხელა ქვა დაგადე გულზეო, 70 წლის ქალმა დამწყევლა..." - იუმორისტი ციაკო ფიფია აღშფოთებას გვიზიარებს
05/04/2026
იუმორისტი ციაკო ფიფია სოციალურ ქსელში ვიდეოს აქვეყნებს და ამბობს, რომ ძალიან გაბრაზებულია, რადგან იუმორისტული სკეტჩის ქვეშ, სადაც ის დედამთილზე საუბრობს, მიაწყევლეს.
ციაკო ფიფია: ჩემს ცხოვრებაში კომენტარზე არ გავბრაზებულვარ. შეგიძლიათ დაწეროთ, რომ ვიზუალურად არ მოგწონვართ, ვერ თამაშობს, ცეკვა არ უხდება, სიმღერა არ უხდება. საერთოდ ეკრანს არ უხდება. არაფერზე არ მქონია პრობლემა. მაგრამ წყევლა? წყევლა რას ნიშნავს? თან 70 წლის ქალბატონმა დამწყევლა.
სკეტჩიდან ამოჭრილი ნაწყვეტი მქონდა გაზიარებული, სადაც ვამბობ, რომ ვაიმე, მე ჩემი დედამთილი დაბმული მყავდა-მეთქი. ეს იყო ნაწყვეტი იუმორისტული გადაცემიდან. ვერ ვხვდები სერიოზულად რატომ იღებთ? მე და ჩემ დედამთილს რომ ურთიერთობა გვაქვს, ყველას ჰგონდეს ისეთი. ამ ხუმრობაზე ქალმა დამიწერა, დედამთილისხელა ქვა დაგადე გულზეო.
ხალხო, ნუ იწყევლებით. დაწერეთ, რაც გინდათ, გადმოაფრქვიეთ ნეგატივი. მაგრამ წყევლა მიუღებელია. 33 წლის გოგოს წყევლი იმი გამო, რომ მისი ხუმრობა ვერ გაიგე?
ამ ქალის ფეისბუქ-პროფილზე რომ შევედი, ეკლესიაში გადაღებული ფოტოები ედო. მივწერე, აღსარებაში მოინანიეთ ეს უდიდესი ცოდვა-მეთქი.
ჩემთვის წყევლა-კრულვა მისაღები არ არის!
გააზიარე სტატია