"დღემდე მახსოვს, როგორ გაჭრეს კარის ბადე და იქიდან მიშა მესხი გამოასვენეს" - გიგი დედალამაზიშვილის მოგონება

მომღერალმა გიგი დედალამაზიშვილმა გამოცემა „სარბიელისთვის“ მიცემულ ინტერვიუში საკუთარი სპორტული ბავშვობა გაიხსენა.

მომღერალმა აღნიშნა, რომ მისი ბაბუა, ლეგენდარულ მიშა მესხთან მეგობრობდა და საფეხბურთო კლუბ „ავაზაში“ გიგი სწორედ მიშა მესხის ხათრით დაჰყავდა.

„მიშა მესხი რომ გარდაიცვალა, პატარა ვიყავი. მაშინ ბაბუაჩემმა პირველად იტირა...

ცრემლი რომ გადმოაგდო, გამიკვირდა და ვკითხე, რა მოხდა ბაბუ-მეთქი? მაშინ მითხრა, დიდი კაცი წავიდაო, მინდა მის დაკრძალვაზე წამომყვე და ამ ისტორიული მოვლენის მონაწილე შენც იყოო.

მართლაც, დღემდე მახსოვს ის მომენტი, როგორ გამოასვენეს მიშა მესხი, როგორ გაჭრეს კარის ბადე და იქიდან გაასვენეს,“ - იხსენებს გიგი დედალამაზიშვილი.