"დიდი ტკივილი მაქვს, უსაშველო ტკივილი" - მგალობელი ნაირა ნაჩხატაშვილი

საქართველოს პატრიარქის ღვაწლსა და ქვეყნის წინაშე დიდ დამსახურებაზე საუბრობს ნაირა ნაჩხატაშვილი - მგალობელი, რომელიც უკვე რამდენიმე წელია, ყოველ წითელ პარასკევს "იესოს დატირებას" ასრულებს.

"მინდა, ვანუგეშო სრულიად საქართველო. მივუსამძიმრო ის დიდი ტკივილი, რა ტკივილიც გვაქვს ჩვენი უწმინდესის ამ ქვეყნიდან გასვლასთან დაკავშირებით. ჩვენი უწმინდესი მე ვიცი, ყველას უყვარს. უწმინდესი, რომელიც ბოლო ქადაგებებში ხშირად იმეორებდა - "მიყვარხარ, საქართველო".

როგორც ვხედავ, მრევლს, საქართველოს ძალიან უყვარს უწმინდესი. მეც, გეტყვით, რომ ძალიან დიდი ჭირისუფალი ვარ. დიდი ტკივილი მაქვს, უსაშველო ტკივილი. გავიგეთ თუ არა ცუდად ყოფნის ამბავი, სისხლი გაგვეყინა და მით უმეტეს, გარდაცვალებამ დიდი ტკივილი მოგვაყენა". - ამბობს ნაირა ნაჩხატაშვილი.