"შენი სიცილი მომენატრება" - გიგი უგულავას დედა გარდაეცვალა

გარდაიცვალა მანანა ქართველიშვილი, გიგი უგალავას დედა. ამის შესახებ პოლიტიკოსი სოციალურ ქსელში წერს და წუხს, რომ დედას უკანასკნელ გზაზე ვერ აცილებს.

"გარდაიცვალა დედაჩემი, მანანა ქართველიშვილი, როგორც მამა უძახდა მანჩულიკა, როგორც მას შვილიშვილებმა შეარქვეს - ნანაკო.

რა დავწერო არც კი ვიცი. ძნელია მშობლის დაკარგვა, მით უფრო, როცა მას ვერ დაიტირებ, ვერ გააცილებ უკანასკნელ გზაზე, ვერ გამოემშვიდობები. ამის ყველაზე მეტად მეშინოდა და სამწუხაროდ, ასეც მოხდა.

მადლობა, მანჩულიკ, ყველაფრისთვის, შენი სიცილი მომენატრება" - წერს გიგი უგულავა ფეისბუქზე.