ერფან სოლტანს სიკვდილით აღარ დასჯიან - რითი შეცვალეს გადაწყვეტილება?

ირანში დაკავებულ 26 წლის ერფან სოლტანს პროკურატურამ ბრალი გადაუკვალიფიცირა - მას ახლა "ქვეყნის შიდა უსაფრთხოების წინააღმდეგ შეკრებას, შეთქმულებაში მონაწილეობასა და რეჟიმის წინააღმდეგ პროპაგანდისტულ საქმიანობაში ჩართვას" ედავებიან. აღნიშნული ბრალდება კი ითვალისწინებს პატიმრობას და არა სიკვდილით დასჯას - ინფორმაციას Iran International ავრცელებს.

26 წლის ერფან სოლტან ჩამოხრჩობა ემუქრებოდა. პროტესტანტს ბრალს "ღვთის გმობაში" დებდნენ. ის 14 იანვარს სახალხოდ უნდა დაესაჯათ.

გადაწყვეტილების ცვლილებას წინ ტრამპის განცხადება უძღოდა, რომელიც ირანს დაემუქრა საპასუხო ქმედებით იმ შემთხვევაში, თუ ისინი დემონსტრანტებს დასჯიდნენ.