"ეს ორი დღე ძალიან იწელებოდა, არ მომწონდა ჩემზე დიდი რომ იყო" - თამრიკო ჭოხონელიძე ეკა კახიანზე

გასულ კვირას მეგობრები თამრიკო ჭოხონელიძე და ეკა კახიანი იუბილარები იყვნენ. ეკას დაბადების დღე 16 იანვარს, ხოლო თამრიკოს - 18 იანვარს აქვს.

დაბადების დღეებს ერთმანეთს ბავშვობიდან ორიგინალურად ულოცავენ. 16-ში თამრიკო ულოცავს ეკას ტექსტით - "გამასწარი", ხოლო 18-ში ეკა რეკავს -"დამეწიე".

"ბავშვობაში ეს ორი დღე ძალიან იწელებოდა, იმიტომ რომ ეს გახდა 10-ის და მე ვარ ჯერ ისევ 9-ის...არ მომწონდა ჩემზე დიდი რომ იყო და 17 რიცხვი საოცრად იწელებოდა.

მერე ასაკი რომ მოგვემატა, მე რომ 39-ის ვიყავი და ეკა 40-ის რომ გახდა, მინდოდა სურათი გადამეღო და დამეწერა, რომ ეკა უკვე 40-ის იყო და მე - ჯერ 39-ის" - იხსენებს თამრიკო ჭოხონელიძე.