"გარდაცვალებამდე რამდენიმე დღით ადრე შევხვდი და..." - რას იხსნებს ლაშა ბასლანძეზე დავით ოქიტაშვილი

მუსიკალური პროდიუსერი და ბიზნესმენი ლაშა ბასლანძე დღეს დაკრძალეს. ლაშა უკანასკნელ გზაზე საბურთალოს ამაღლების ტაძრიდან გააცილეს. პანაშვიდზე ოჯახთან ერთად მისული იყო ბიძინა ივანიშვილიც.

დათო ოქიტაშვილი ლაშასთან უკანასკნელ საუბარს იხსენებს და ფეისბუქზე წერს.

"რთულია წარსულში ისაუბრო ადამიანზე, რომელიც დადებითი ენერგიით, სიკეთით იყო აღსავსე, კეთილი საქმეების კეთება აბედნიერებდა.

ასეთი იყო ჩვენი ლაშა.

გარდაცვალებამდე რამოდენიმე დღით ადრე შევხვდით ერთმანეთს. ბევრი ვისაუბრეთ, ქალბატონი ლელაც ვნახე. ბევრი მოვეფერეთ ერთმანეთს.

ამ დროს ყველა სიტყვა უძლურია. მხოლოდ გვერდში დგომა, გამძლეობა, ჩემო სალომე, შენ და შენს ოჯახს.

ქალბატონო ლელა, მადლობა თქვენ ასეთი შვილის გაზრდისათვის" - წერს ოქიტაშვილი სოციალურ ქსელში.