"გარიყული ვარ. არ მიმიღეს" - თამო ვაშალომიძე ქართულ შოუბიზნესზე

თამო ვაშალომიძემ ინტერნეტ გამოცემა "ზმნას" ვრცელი და გულახდილი ინტერვიუ მისცა. მან აღიარა ისიც, რომ შოუბიზნესში დღემდე არ არის მიღებული, გამარჯობასაც კი არ ეუბნებოდნენ.

თამო ვაშალომიძე: ჩვენს შოუბიზნესში, პირდაპირ ვიტყვი და - გარიყული ადამიანი ვარ. არავისთან ვმეგობრობ. თავიდანვე არ მიმიღეს. ეს შეიძლება ჩემი არასწორი პიარის გამო მოხდა. სხვას არა, ჩემ თავ ვადანაშაულებ ამაში. არ მიმიღეს. მაგრამ ისინი, ვინც ადრე გამარჯობას არ მეუბნებოდა, დღეს უკვე, როცა საქმით გავხდი წარმატებული, მიღიმიან და გამარჯობას მეუბნებიან. შემიმჩნიეს.

- გამარჯვებად მიგაჩნია ის ფაქტი, ვინც არ გკადრულობდა, დღეს უკვე გიღიმის და შეგიმჩნია?

- რა თქმა უნდა. ელიტა ანუ ის საზოგადოება, რომელიც არ გკადრულობს და მერე შენი პროდუქცია მოსწონს, მე ეს მიხარია. სხვათა შორის, ჩემი იტალიელი მენეჯერი დღემდე იყენებს ჩემს ჰიალურონს და ნაოჭსაწინააღმდეგო კრემს. მთელი თავისი ოჯახით. მან მითხრა, რომ ჩემს კომპანიას იტალიაში დიდი მომავალი ექნება.