"გთხოვთ, ილოცოთ ჩემთვის, ჩვენი ერის მომავლისთვის" - შიო მესამე, საქართველოს ახალი პატრიარქი

საქართველოს მართლმადიდებელი ეკლესიის გაფართოებულ კრებაზე დღეს 11 მაისს, საქართველოს 142-ე პატრიარქად საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი) აირჩიეს. გადაწყვეტილება მანგლისისა და თეთრიწყაროს მიტროლიტმა ანანიამ (ჯაფარიძე) გამოაცხადა. ის ხმების დამთვლელი კომისიის თავმჯდომარეც იყო.

ამდენად, წმინდა სინოდის გადაწყვეტილებით, 22 ხმით, სრულიად საქართველოს კათოლიკოს-პატრიარქი საპატრიარქო ტახტის მოსაყდრე შიო მუჯირი გახდა.

მროველ-ურბნელმა მიტროპოლიტმა იობმა (აქიაშვილი) 9 ხმა აიღო, ფოთისა და ხობის მიტროპოლიტმა გრიგოლმა (ბერბიჭაშვილი) 7 ხმა, ერთი ხმა გაუქმდა.

საქართველოს კათოლიკოს-პატრიარქი შიო მესამე: "ძნელია, გამოვხატო ჩემი განწყობა, რაც თან ახლავს არჩევანს, რომელმაც მარგუნა პატივიც და მძიმე ჯვარიც, გთხოვთ, ილოცოთ ჩემთვის, ჩვენი ერის მომავლისთვის."

სრულიად საქართველოს კათოლიკოს-პატრიარქის ინტრონიზაცია ხვალ, 12 მაისს სვეტიცხოველში შედგება.