"გულწრფელად ვამბობ: ღმერთმა შეუნდოს" - რას წერს კახა გოგიძე გარდაცვლილ ბექა გოცირიძეზე

საქართველოს ეროვნული ნაკრების ყოფილი ფეხბურთელის, 37 წლის ბექა გოცირიძის გარდაცვალების თემას, სოციალურ ქსელში, სამწუხაროდ, ნეგატიური კონტექსტი მოჰყვა.

"ქართული ოცნების" მხარდამჭერი და გულშემტკივარი სინდისის პატიმრების, მინდია შერვაშიძისა და თორნიკე თოშხუას საქმის ფიგურანტი იყო. მას საქმეში დაზარალებულის სტატუსი ჰქონდა მინიჭებული. პროკურატურა ამტკიცებს, რომ მათ 31 ივლისს, რუსთაველის გამზირზე, ყოფილ ფეხბურთელს, ბექა გოცირიძეს სცემეს.

მინდიასა და თორნიკეს ბრალი ჯგუფურად ძალადობაში ედებათ და 2 წლამდე თავისუფლების აღკვეთა ემუქრებათ.

ბექას გარდაცვალებამ ყველას ეს თემა გაახსენა...

მსახიობი და რეჟისორი კახა გოგიძე კი, თავის ფეისბუქგვერდზე, გოცირიძის ამ რამდენიმედღის წინანდელ ფეისბუქპოსტს აზიარებს.

კახა გოგიძე: ყოველგვარი სარკაზმის გარეშე და აბსოლუტურად გულწრფელად ვამბობ: ღმერთმა შეუნდოს...

უმორჩილესად გთხოვთ, გარდაცვლილის შეურაცხყოფისგან თავი შეიკავეთ.