"იქნებ გჭირდებოდა, დაიკელი და ჩვენ გამოგვიგზავნე, გენაცვალოს დედა" - დედის წერილი პატრიარქს

სოციალურ ქსელებში ვრცელდება და საზოგადოების განსაკუთრებულ ემოციებს იწვევს პატრიარქის დედის, ნატალია კობაიძის წერილი, რომელსაც ის შვილს უგზავნის.
„შვილო, ირაკლი!
გიწერ ახლა წერილს და მოგილოცავ შობა-ახალ წელს, ჩემო გულო და სულო.

მრავალ ბედნიერ დღეს დაესწარი, მშვიდობით და გახარებით, ჯანმრთელობით, დიდხანს სიცოცხლით.

ჩვენი დარდი ნუ გექნება, კარგად ვართ. შენ იყავ კარგად და ეს იქნება ჩვენი სიცოცხლე და გახარება.

ირაკლი, მივიღეთ შენი გამოგზავნილი ფული, წერილი და რა თქმა უნდა, გავიხარეთ. შვილო, ჩვენ იოლად გავდივართ. იქნებ, გჭირდებოდა, დაიკელი და ჩვენ გამოგვიგზავნე, გენაცვალოს დედა.

შევნატრი ღმერთს შენს ჯანმრთელად სიცოცხლეს. ღმერთი იყოს შენი მფარველი, ყველა საქმეში და ყველა ბიჯზე.

ვთხოვ, ვეხვეწები ღვთისმშობელს, რომ გიფარავდეს და გიხსნიდეს ბოროტისაგან.

გწერს შენი დედა, შენი გზის მაყურებელი,” - ვკითხულობთ წერილში.