"ილია თოფურია, რომელზეც ამბობენ, რომ მასზე ძლიერი არავინაა" - დონალდ ტრამპის უშუალო დიალოგი ქართველ ვარსკვლავთან

14 ივნისს თეთრ სახლში „UFC Freedom 250“ - განსაკუთრებული ღონისძიებაა დაგეგმილი, სადაც მთავარი ბრძოლის მონაწილე ილია თოფურია იქნება. ის ამერიკელ ჯასტინ გეიჯის დაუპირისპირდება.

6 მაისს კი, დონალდ ტრამპმა, თეთრ სახლში, ოვალურ კაბინეტში, UFC-ის მებრძოლები - ილია თოფურია, ალექს პერეირა, სირილ გეინსი და ჯასტინ გეიჯი მიიღო.

ღონისძიებას ასევე დაესწრო UFC-ის გამორჩეული მებრძოლი ალექსანდრე თოფურია, ილიას ძმა.

"ილია თოფურია, რომელზეც ამბობენ, რომ მასზე ძლიერი არავინაა“, - ასე დაიწყო ამერიკის პრეზიდენტმა თოფურიასთან დიალოგი, რომელიც ინტერნეტით ვირუსულად გავრცელდა.

დიდი გამოხმაურება მოჰყვა UFC-ის დაუმარცხებელი ქართველი სუპერვარსკვლავის უშუალო დილოგს და მის ფრაზას პრეზიდენტისადმი - "არ მეგონა, თუ ასეთი კეთილი იქნებოდით".

ტრამპის შეკითხვაზე - როგორ ფიქრობთ, კარგად იცნობთ თქვენს მეტოქეს, ილიამ უპასუხა:

"კარგად ვიცნობ, ძალიან რთული მეტოქეა."

დონალდ ტრამპი: და როგორია თქვენი გამარჯვების შანსი?

ილია თოფურია: სრულიად დარწმუნებული ვარ, 100 პროცენტით. სწორედ ამიტომ ვართ აქ!