"იმ აკვანსაც ბომბავენ, საიდანაც თავად გამოვიდნენ" - რუსეთმა კიევ-პეჩერის ლავრა დაბომბა

რუსეთმა ქრისტიანობის ერთ-ერთი უდიდესი სიწმინდე, მეთერთმეტე საუკუნის ძეგლი - კიევ-პეჩერის ლავრა დაბომბა. ეს უძველესი მონასტერი იუნესკოს მსოფლიო მემკვიდრეობის ძეგლთა სიაშია შესული.

რუსეთმა ამ წმინდა ადგილზე მეორედ მიიტანა იერიში. პირველად ის 1941 წელს დაბომბა.

უკრაინული თავდაცვითი ტექნოლოგიების კომპანიის, Fire Point-ის თანადამფუძნებელი, მთავარი კონსტრუქტორი და ფიზიკოსი, დენის შტილერმანი წერს:

"უღმერთო ნაძირალა უმიზნებს კიევო-პეჩორის ლავრის მიძინების ტაძარს — უკრაინის უწმინდეს ადგილს, ტაძარს, რომელსაც თითქმის ათასი წლის ისტორია აქვს…

მათი სახელმწიფო, მათი ეკლესია, მათი დამწერლობა — ეს ყველაფერი აქედან, ჩვენი მიწიდან იღებს სათავეს. და ამის საპასუხოდ, საუკუნეების განმავლობაში ისინი წვავდნენ, ძარცვავდნენ, ახლა კი იმ აკვანსაც ბომბავენ, საიდანაც თავად გამოვიდნენ.

ეს უბრალოდ ბარბაროსობა არ არის. ეს საკუთარი წარმოშობის დამადასტურებელი მტკიცებულებების განადგურების მცდელობაა.

რადგან სანამ კიევი და ლავრა დგას, მსოფლიო ხედავს, ვინ არის აქ ათასწლოვანი ცივილიზაცია და ვინ — გაუგებრობა, რომელმაც სხვისი ისტორია მიითვისა.

ჩვენ ყველაფერს აღვადგენთ. ისევე, როგორც მრავალჯერ აღგვიდგენია ადრე. და ღმერთი რუსეთში დაბრუნდება. სწორედ ისე, როგორც მათ დაიმსახურეს."