"ის საკუთარი თავის ერთგული იყო და სწორედ ეს ვისწავლე მისგან" - რობერტ დე ნირო მამაზე

რობერტ დე ნიროს მშობლები ერთმანეთს ზაფხულის ხელოვნების სკოლაში შეხვდნენ. ორივე ხატავდა. დაქორწინებაც მალე გადაწყვიტეს. წყვილმა 1942 წელს იქორწინა. დროს მეგობრების გარემოცვასა და ხატვაში ატარებდნენ. ისინი მეგობროდნენ მწერლებთანაც, მათ შორის, ჰენრი მილერთან, დრამატურგ ტენეს უილიამსთან. 1943 წლის 17 აგვისტოს რობერტ დენიროც დაიბადა.

მშობლები მაშინ დაშორდნენ ერთმანეთს, როდესაც ის 2 წლის იყო. ეს მამის სექსუალურ ორიენტაციას უკავშირდებოდა, მამა რობერტმა მოგვიანებით აღიარა, რომ გეი იყო.

პატარა რობერტი კი, რა თქმა უნდა, დედასთან, დარჩა, ისინი გრინვიჩ ვილიჯში ცხოვრობდნენ. ბავშვი წიგნების, თეატრების, მუზეუმებისა და ხელოვნებაზე საუბრების გარემოში იზრდებოდა. ფული ხშირად არ ჰქონდათ, ვირჯინია ადმირალი რამდენიმე სამსახურში მუშაობდა და მოითხოვდა, რომ მის ვაჟს, კულტურასთან შეხება არ დაეკარგა.

მიუხედავად მშობლების განშორებისა, მამამისი მის ცხოვრებაში მნიშვნელოვან ფიგურად რჩებოდა.

დე ნირო ჯუნიორი, დროს მამის სახელოსნოში ატარებდა, აკვირდებოდა მას ხატვისას და შემოქმედებითი ცხოვრების შესანარჩუნებლად, აუცილებელ დისციპლინებს ითვისებდა.

,,ის საკუთარი თავის ერთგული იყო და სწორედ ეს ვისწავლე მისგან“, - თქვა მსახიობმა მოგვიანებით.

მან მამის ნამუშევრები და სახელოსნო, ერთგვარ კერძო მუზეუმად აქცია. „საქმე მისი ხსოვნის შენარჩუნებასა და მის მიერ გაღებული მსხვერპლის პატივისცემას ეხება“, - განმარტა მან.

დე ნიროს პიროვნება ორმა რადიკალურად განსხვავებულმა კულტურამ ჩამოაყალიბა, ხელოვნებამ და ნიუ-იორკის ქუჩების მკაცრმა რეალობამ.