ხატია დეკანოიძე ირანელ ქალებზე წიგნს გამოსცემს

ხატია დეკანოიძე მალე წიგნს გამოსცემს. როგორც პოლიტიკოსი სოციალურ ქსელში წერს, ეს არის ციხეში დაწერილი ირანელი ქალების უმძიმესი ისტორიები, რომელიც თავად ირანელმა პოლიტპატიმარმა ქალმა შეაგროვა, ხატიამ კი - თარგმნა.

ხატია დეკანოიძე: რამდენიმე დღის წინ, ირანელი ქალების მიერ ციხეში დაწერილი ისტორიების თარგმნა დავასრულე, რომელიც თვითონ პოლიტპატიმარმა, ირანელმა ადამიანის უფლებების დამცველმა ნარგეს მოჰამედმა შეაგროვა ციხეში.

"თეთრი წამება" - ასე ჰქვია წიგნს. თეთრი წამება არის სამარტოო საკნით ადამიანებზე ფსიქოლოგიური მანიპულაცია და ზემოქმედება. წამების მეთოდი.

ძალიან გამიჭირდა წიგნის თარგმნა უმძიმესი ისტორიების კითხვისას. წიგნი მალე გამოვა. ეს გვანცა ჯობავას მნიშვნელოვანი ინიციატივაა.

ირანის ისლამური რეჟიმი არის ბოროტება.