ხმელთაშუაზღვის დიეტა 50+ ასაკის ქალბატონებისთვის

სამხრეთ კალიფორნიის უნივერსიტეტის მეცნიერებმა დაადგინეს, რომ ტკბილი სასმელებისა და წითელი და დამუშავებული ხორცის რაციონიდან ამოღება, მენოპაუზის პერიოდის ქალების ზოგად ჯანმრთელობას აუმჯობესებს. კვლევის შედეგები European Journal of Nutrition-ში (EJN) გამოქვეყნდა.

კვლევაში მონაწილე 200 ქალის საშუალო ასაკი 51 წელი იყო. მოხალისეებს უკვე დაიწყებული ჰქონდათ მენოპაუზა - მენსტრუალური ციკლის საბოლოო შეწყვეტა, რომელიც დაკავშირებულია სხეულის ბუნებრივ დაბერებასთან და კვერცხუჯრედების მარაგის ამოწურვასთან. მკვლევარებმა გააანალიზეს მონაწილეთა დიეტა და სთხოვეს, ეთქვათ, ჰქონდათ თუ არა ჯანმრთელობის პრობლემები.

შედეგებმა აჩვენა, რომ ქალები, რომლებიც სვამდნენ ნაკლებ ტკბილ სასმელს, ნაკლებად აღენიშნებოდათ სახსრებისა და კუნთების ტკივილი. მათ ასევე დაადგინეს, რომ დიეტაში წითელი და დამუშავებული ხორცის შემცირება დაკავშირებულია ზოგადი ჯანმრთელობის გაუმჯობესებასთან.

მეცნიერებმა დაამატეს, რომ კუნთების სიძლიერის, მოქნილობისა და გამძლეობის გაზრდის საუკეთესო არჩევანი ხმელთაშუა ზღვის დიეტაა. იგი მოიცავს ხილის, ბოსტნეულის, პარკოსნების, თხილის, მარცვლეულის, ზეითუნის ზეთის და თევზის აქტიურ მოხმარებას.

ჯანსაღი საკვებით მდიდარი ხმელთაშუა ზღვის დიეტა არის ძალიან სასარგებლო და გვთავაზობს საკვების და პროდუქტების მრავალფეროვან არჩევანს.

ის კარგია ჯანმრთელობისთვის.

ხმელთაშუა ზღვის დიეტა ეფუძნება ხმელთაშუა ზღვის მოსაზღვრე ქვეყნების ტრადიციულ საკვებს, მათ შორის, საფრანგეთის, ესპანეთის, საბერძნეთის და იტალიის.

ეს არის მცენარეული დიეტა, რომელიც ფოკუსირებულია ფრინველის და თევზის ხორცზე, ხილზე, ბოსტნეულზე, მარცვლეულზე, თხილეულზე, პარკოსნებზე და სასარგებლო ცხიმებზე, როგორიცაა ზეითუნის ზეთი.

ამ დიეტის დროს, მარილის ნაცვლად, გამოიყენება მცენარეები და სანელებლები და ასევე, დაშვებულია უცხიმო რძის პროდუქტებს და ზომიერი რაოდენობით წითელ ღვინო.

საკვების სია ასე გამოიყურება:

• ბოსტნეული: პომიდორი, ბროკოლი, ისპანახი, ხახვი, ყვავილოვანი კომბოსტო, სტაფილო, კიტრი.
• ხილი: ვაშლი, ბანანი, ფორთოხალი, მსხალი, მარწყვი, ყურძენი, ფინიკი, ატამი.
• თხილეული: ნუში, ნიგოზი, თხილი, მზესუმზირა, გოგრის თესლი.
• პარკოსნები: ლობიო, ბარდა, ოსპი, არაქისი, მუხუდო.
• მარცვლეული: შვრია, ყავისფერი ბრინჯი, სიმინდი, წიწიბურა, ხორბლის პური.
• ხორცი: ორაგული, სარდინი, კალმახი, თინუსი, ქათამი, ინდაური, იხვი.
• რძის პროდუქტები: ყველი, იოგურტი, რძე.
• მწვანილი და სანელებლები: ნიორი, რეჰანი, პიტნა, როზმარინი, მუსკატის კაკალი, დარიჩინი.
• ჯანსაღი ცხიმები: ზეითუნის ზეთი, ზეთისხილი, ავოკადო, ავოკადოს ზეთი.

რაც შეეხება საკვებს, რომლის მიღება უნდა შემცირდეს მინიმუმამდე:

• დამატებული შაქარი: გაზიანი სასმელები, ნაყინი, შაქარი, სიროფი, ტკბილეული.
• დამუშავებული მარცვლეული: თეთრი პური, მაკარონი, ჩიფსი, კრეკერი.
• ტრანს-ცხიმები: მარგარინი, შემწვარი საკვები, დამუშავებულ საკვები.
• დამუშავებული ხორცი: ძეხვეული, საქონლის ხორცი, ფასტფუდი.

რაც შეეხება სასმელს, შეზღუდული რაოდენობით მიიღეთ უშაქრო ჩაი და ყავა, ან ძალიან ცოტა შაქრით. ასევე, წითელი ღვინო, თუმცა, აუცილებლად საჭმელთან ერთად.

შეეცადეთ შეამციროთ ან საერთოდ ამოიღოთ დაშაქრული ნატურალური წვენები, გაზიანი სასმელი, ლუდი და სპირტიანი სასმელი.