"ხვიჩა კვარაცხელიამ მოედანზე დაიტირა უწმინდესი" - ქეთი დოლიძე

უწმინდესისა და უნეტარესის, საქართველოს პატრიარქის ღვაწლზე საუბრისას, კინო რეჟისორმა ქეთი დოლიძემ ხვიჩა კვარაცხელიას ცრემლები გაიხსენა და თქვა, რომ პატრიარქის სწავლება თაობებმა არ უნდა დაივიწყონ.

"ხვიჩა კვარაცხელიამ გოლი გაიტანა, მიუძღვნა ეს გოლი პატრიარქს და მერე ატირდა... ამის დანახვა ძალიან ემოციური იყო ჩემთვის. ხვიჩა ატირდა... მოედანზე დაიტირა უწმინდესი...
ეს ხვიჩას გამორჩეული ბუნების ბრალია, ის არაჩვეულებრივი ახალგაზრდაა... საერთოდ, ჩვენი ვალდებულება და მისია არის, რომ გავა დრო და არ დავივიწყოთ უწმინდესი. მისი სწავლება, მისი დარიგება... ხშირად უნდა ვისაუბროთ მასზე," - თქვა რეჟისორმა.