კინო-თერაპია - 7 ფილმი, რომელთა ნახვასაც დიეტოლოგი გვირჩევს

ფილმი, რომელსაც ვუყურებთ, ხშირად ახდენს მნიშვნელოვან გავლენას ჩვენს ცნობიერებაზე. ფილმის გმირების საქციელი, მათი შინაგანი სამყარო ხშირად ხდება ადამიანის ქცევის განმსაზღვრელი, ცნობიერების მაკორექტირებელი და უბრალოდ, ცხოვრების მაგალითი.
ნუტრიციოლოგი ნატა გაგუა იმ რამდენიმე ფილმს ასახელებს, რომლებსაც აქვთ უნარი, ადამიანის კვებითი თერაპიის ნაწილად იქცნენ.

„რატომ არ მუშაობს დიეტა, როცა ადამიანი ყველაფერს „სწორად“ აკეთებს?

რატომ მატულობს ან იკლებს წონა მაშინ, როცა თეფშზე თითქოს არაფერი შეცვლილა?

როგორც ექიმი, ამას ყოველდღე ვხედავ პრაქტიკაში:

ჩვენი კვების რაციონი და კვებითი ქცევა ხშირად არის ენა, რომლითაც ქვეცნობიერი გვესაუბრება.

ჭარბი წონა, უკიდურესი სიგამხდრე, კვებითი აშლილობა ან პერფექციონიზმი - ეს ყველაფერი ხშირად აისბერგის მხოლოდ წვერია. ამის მიღმა კი იმალება ტრავმა, შფოთვა, დანაშაულის გრძნობა, მიუღებლობა და მარტოობა.

სწორედ ამიტომ, ფილმი შეიძლება გახდეს თერაპიის ნაწილი. არა გასართობად, არამედ - გასაგებად.

ეს 7 ფილმი განსაკუთრებით ზუსტად აჩვენებს, რა დგას „თითოეული ლუკმის“ უკან:

1. The Whale / ვეშაპი (2022)

2. To the Bone / ძვლამდე (2017)

3. Spencer / სპენსერი (2021)

4. Requiem for a Dream / ოცნების რეკვიემი (2000)

5. Precious / პრეშასი (2009)

6. My Skinny Sister / ჩემი გამხდარი და (2015)

7. Black Swan / შავი გედი (2010)

ამ ფილმების ყურებისას გთხოვთ, არ შეაფასოთ პერსონაჟების სხეულები.

დააკვირდით მათ შიშებს, სიჩუმეს, კონტროლის მცდელობებს.

ჯანსაღი ცხოვრება იწყება არა თეფშზე, არამედ თავში.

და ხშირად გულში,“ - წერს ექიმი.