საზოგადოება
ტექსტის ზომის შეცვლა
+
-
კრისტოფერ უოკენი 83 წლის ხდება. მსახიობი, რომლის ეკრანული მანერა, ხმის ტემბრი და უცნაური პერსონაჟები ჰოლივუდში უკვე ცალკე ხელწერად იქცა, 31 მარტს იუბილარია.
დიდი ხანია, უოკენი მაყურებლისთვის, მხოლოდ მსახიობი აღარ არის. ის კინოში ერთგვარ ფენომენად იქცა, ადამიანად, რომლის გამოჩენაც ეკრანზე თითქმის ყოველთვის განსაკუთრებულ მოლოდინს ქმნის.
კრისტოფერ ოუკენი, 1943 წლის 31 მარტს, ნიუ-იორკის ქუინზში დაიბადა და დაბადებისას რონალდ უოკენი ერქვა. მისი ვარსკვლავური გზა საკმაოდ ადრე დაიწყო. კრისტოფერ უოკენი ჯერ კიდევ ბავშვობაში გამოჩნდა ჯერ კინოს ეკრანზე, მოგვიანებით კი თეატრში. ახალგაზრდობის წლებს უკავშირდება ერთ-ერთი ყველაზე უცნაური დეტალი მის ბიოგრაფიაში - ახალგაზრდა მსახიობი ცირკში ლომების მომთვინიერებლად მუშაობდა.
ჰოლივუდის პირველი რიგის მსახიობებს შორის კრისტოფერ უოკენი ფილმი "ირმების მონადირეს" ეკრანებზე გამოსვლის შემდეგ აღმოჩნდა. ამავე ფილმმა მოუტანა მას ოსკარი მამაკაცის მეორეხარისხოვანი როლის საუკეთესოდ შესრულებისათვის.
83 წლის მსახიობი იუბილეს მეუღლესთან, ჯორჯიან უოკენთან ერთად ხვდება, რომელზეც 1969 წლიდანაა დაქორწინებული. კრისტოფერ და ჯორჯიან უოკენების წყვილი დღემდე ჰოლივუდის ერთ-ერთ ყველაზე მყარ ოჯახად მიიჩნევა.
03/27/2026