მანდარინი და ახალი წელი

მანდარინი ის ციტრუსია, რომელიც საქართველოში რატომღაც ახალ წელთან ასოცირდება. ეს შემთხვევითი სულაც არ არის.

მიუხედავად იმისა, რომ წარმოშობით მანდარინი ჩინური ხილია, მას საქართველოში დიდ პატივს სცემენ და სიუხვისა და სიმდიდრის სიმბოლოდ მიიჩნევენ.

ტყუილად არ ჩამოაცმევდნენ ხოლმე თავზე მანდარინს გურულ ჩიჩილაკს. ასე გურულები ბარაქას, სინათლეს და ბედნიერებას ეპატიჟებოდნენ სახლში.

რატომ მანდარინი?- ამას თავისი მიზეზები ჰქონდა.

ძველად მანდარინი იშვიათი და ძვირფასი ხილი იყო, თავისი ოქროსფერი შეფერილობით კი მზეს, ოქროსფერ ფერს და ნაყოფიერებას უკავშირდებოდა.

ჩიჩილაკის თავზე ჩამოცმული მანდარინი მზის გამოსახულებად აღიქმებოდა და გურიაში სჯეროდათ, რომ ასე „მზეს სახლში შემოიყვანდნენ“.

მანდარინი ჩიჩილაკზე იყო დალოცვის ჟესტი, რომ ახალი წელი ისეთივე ნაყოფიერი ყოფილიყო, როგორც ეს ხილი.

აქვე უნდა აღინიშნოს, რომ მანდარინი ზამთრის ერთ-ერთი ყველაზე სასარგებლო ხილია.

იმუნიტეტის გამაძლიერებელი

მანდარინი მდიდარია C ვიტამინით, რომელიც აძლიერებს იმუნურ სისტემას, ეხმარება ორგანიზმს ვირუსებთან ბრძოლაში და ამცირებს გაციების რისკს.

გულ-სისხლძარღვთა სისტემის მხარდამჭერი

მანდარინი შეიცავს კალიუმს, რომელიც არეგულირებს არტერიულ წნევას და ფლავონოიდებს, რომელიც ამცირებს „ცუდ“ ქოლესტერინს.

კანის ჯანმრთელობისა და სილამაზის წყარო

ანტიოქსიდანტები, რომლებიც მანდარინში იხვადაა, ებრძვის ნაადრევ დაბერებას, აუმჯობესებს კანის ტონს და ხელს უწყობს კოლაგენის გამომუშავებას.

საჭმლის მონელების ხელშემწყობი

მანდარინის ბოჭკოები აუმჯობესებს ნაწლავების მუშაობას, ამცირებს სიმძიმის შეგრძნებას, ეხმარება მეტაბოლიზმს.

და რაც მთავარია,მანდარინი დაბალკალორიული ხილია. ის იდეალურია დიეტისთვის და ტკბილზე მოთხოვნილებას დანაშაულის გრძნობის გარეშე აკმაყოფილებს.

მოკლედ, მანდარინი მხოლოდ ზამთრის ხილი არ არის. ის ჯანმრთელობისთვის ძალიან სასარგებლო ციტრუსია, რომელიც ამასთანავე, მზის, სიუხვისა და ტკბილი მომავლის სიმბოლოა.