მატილდა გვარლიანი DOLCE & GABBANA-ს სახე გახდა

Dolce & Gabbana-ს მაღაზიებში 2026 წლის პირველი სარეკლამო კამპანია გამოჩნდა და ცნობილი გახდა, რომ მატილდა გვარლიანი ბრენდის ახალი სახეა.

კამპანია სტივენ მეისელმა გადაიღო.

ეს პირველი შემთხვევაა, როდესაც „დოლჩე და გაბანას“ კამპანიაში ქართველ მოდელს ვხედავთ.

სხვათა შორის, ბრენდის ახალ სახესთან დაკავშირებით, სოციალურ ქსელებში ბევრი კომენტარი დაიწერა, სადაც მოდის მოყვარულები მატილდას ფრანგს, იტალიელს და ზოგჯერ გერმანელს ადარებენ.

მატილდა გვარლიანმა Dolce & Gabbana-ს მოდის სახლთან გასულ წელსაც ითანამშრომლა.

მილანის მოდის კვირეულზე იტალიურმა მოდის სახლმა, 2025 წლის შემოდგომა-ზამთრის კოლექციის ჩვენება გამართა, რომელიც მატილდა გვარლიანმა დახურა.

ჩვენება მილანში მდებარე Metropol Theater-ში გაიმართა, სადაც ქართველი მოდელი ორი ერთმანეთისგან განსხვავებული ლუქით - ფერადი თვლებით გაფორმებული კაბით და ხელოვნური ბეწვის მოსაცმლით გამოჩნდა, რომელიც დიდი ზომის მაისურსა და ტყავის ჩექმებთან ერთად მოირგო.

ამჯერად ქართველი მოდელი ბრენდის სახეა, რაც მატილდა გვარლიანის ქართველი გულშემატკივრისათვის ორმაგად სასიხარულოა.