"მე ჯერ იმისთვის არ ვარ მზად, სასაფლაოზე ვიარო" - ნიკოლოზ წულუკიძე

თეატრმცოდნე და ტელეწამყვანი ნიკოლოზ წულუკიძე, გადატანილი ტრაგედიის შემდეგ, ცხოვრების გაგრძელებას ცდილობს... თუმცა ტკივილი, რომელსაც ტელეწამყვანი განიცდის, არსად წასულა.
გთავაზობთ ემოციურ განცხადებებს, რომლებიც ნიკოლოზ წულუკიძემ, საკუთარ ცხოვრებაზე გულახდილად საუბრისას, სხვადასხვა ინტერვიუებში გააჟღერა.

" სახლიდან რომ გავდიოდი, ლიფტის სარკეში ვიყურებოდი და თითქოს ღმერთს მადლობას ვეუბნებოდი, რომ ისე ვცხოვრობდი, როგორც მინდოდა. – იმ სარკეში აღარ ვიყურები, სათქმელი აღარ მაქვს. ეს არის შიში, რომ მე ჯერ არ ვარ მზად ახალი ცხოვრებისთვის. "

" მე ჯერ იმისთვისაც არ ვარ მზად, სასაფლაოზე ვიარო. მე ჯერ ბურუსში დავდივარ ხელის ცეცებით და ვცდილობ თავიდან ვისწავლო ცხოვრება. ამდენი კეთილი ადამიანი დამესია, რათა ფეხზე წამომაყენოს. ვალდებული ვარ, ვიდგე იმისთვის, რომ მერე სხვა წამოვაყენო... "