"მე ვდგავარ სიმართლის მხარეს" - რუსკა მაყაშვილი ტელევიზიებზე

მსახიობმა და ტელეწამყვანმა რუსკა მაყაშვილმა პოდკასტში "მძიმე წერტილი", ქართულ ტელევიზიებთან საკუთარი ურთიერთობა გაიხსენა და აღნიშნა, რომ ტელევიზიამ ძველებური სიცოცხლე სადღაც დაკარგა.

"ტელევიზიაში ძალიან ბევრი წელი ვიმუშავე... თან ყველა ტელევიზიაში ნამუშევარი ვარ და შარშანდლამდე წყვეტა არ მქონია... მახსოვს სიცოცხლით სავსე ტელევიზიები. ყველგან სადაც ვმუშაობდი სხვა სიცოცხლე, სხვა "ვაიბი" და სხვა ჟინი იყო. ახლა, სამწუხაროდ, მე ვთვლი რომ არ გვაქვს ტელევიზია არცერთი კუთხით. იმიტომ, რომ ყველა ტელევიზია მიკერძოებულია.
მიუხედავად იმისა, რომ სხვა თემაა, მე ისტორიის რა მხარეს ვდგავარ," - ამბობს რუსკა მაყაშვილი.
ხოლო წამყვანის შეკითხვაზე:
- ისტორიის რა მხარეს დგას რუსკა მაყაშვილი?
მსახიობი პასუხობს - "სიმართლის მხარეს".