"მინდა შვილი მალე გავაჩინო და ის მამაჩემმა გაზარდოს" - ნათია თავისი პირადი ისტორიით

"ნათია talk"-ის წამყვანი - ნათია, რომელიც უამრავმა ადამიანმა კობას ისტორიით შეიყვარა და მას "კეთილი ფერია" დაარქვა, თავის პირადზე საუბრობს. მან ნანუკა ჟორჟოლიანთან მამა აქო და დასძინა, რომ სურს შვილი მას გააზრდევინოს.

"რთულია ცოლი მოგყავს სამი შვილით, თან იმ დროს, თან დევნილები. ფიზიკას, მათემატიკას გვასწავლიდა.

რაც მამამ ჩვენთვის გააკეთა... მამის მიმართ მაქვს პატივისცემა, ძალიან კეთილია.

მას თავისი შვილები არ ჰყავს. მე ყოველთვის ვეუბნები, რომ მე სისხლით და ხორცით შენი ვარ-მეთქი. მე მამაჩემის შვილი ვარ, რა თქმა უნდა, დედაჩემისაც. მინდა ჩემით და თავისი თავით იამაყოს.

შეყვარებული არ მყავს, მაგრამ მინდა შვილი მალე გავაჩინო და ის მამაჩემმა გაზარდოს, ასწავლოს მათემატიკა და ფიზიკა. ვეუბნები მამი, "ხოდზე" უნდა იყო, ქართულად უნდა ესაუბრო ჩემს შვილს-მეთქი" - ამბობს ნათია.