"მითხრა, შენი მფარველები მორიელები იქნებიანო" - გიორგი ბოჭორიშვილი ჰოროსკოპზე

პოდკასტში "მეოთხე კედელი" გიორგი ბოჭორიშვილმა ჰოროსკოპისადმი თავის დამოკიდებულებაზე ისაუბრა. მსახიობს წამყვანებმა იმის საშუალებაც მისცეს, ეთქვა - მისი აზრით, რა ჰოროსკოპის ნიშანია ესა თუ ის კინოგმირი.

გიორგი ბოჭორიშვილი: მაიკლ კორლეონე - მერწყული იქნება. ფეოლა - თევზები, ჯარისკაცის მამა - კირჩხიბი.

ჰოროსკოპების აზრზე არ ვარ დიდად, ჩემი დამოკიდებულება მაქვს, უბრალოდ ბავშვობიდან ვაკვირდები შვილებს და მათ ზოდიაქოს ნიშნებს - მშვილდოსანი, მერწყული და მორიელი მყავს. მე ტყუპები ვარ - ჩემი გამჭირვებია.

ადრე ვიყავი ასტროლოგთან; ვიცი, რომ მარსი მორიელში მაქვს და მახსოვს, მითხრა, შენი მფარველები სულ მორიელები იქნებიანო. ჩემი პატარა გოგოა მორიელი, დეიდაშვილი მორიელია. მორიელებთან განსაკუთრებული ურთიერთობა მაქვს. ღრმა და ინტუიციური ტიპები არიან. მიკიბ-მოკიბვის გარეშე ამბობენ სათქმელს. მერწყულიც ასეა. მათ აქვთ საერთო, ჩემს წარმოდგენაში.

ახლა მერწყულების ერაა. მეორე შვილი მერწყული მყავს.

სხვათა შორის, ყველა დიქტატორი მერწყულია. მერწყულები არიან - ბიძინა ივანიშვილი, ედუარდ შევარდნაძე, ჩაუშესკუ, ზელენსკი, მუსოლინი. მერწყულს ნუ ეხუმრებით...

ჩვენი ახალი პატრიარქი მერწყული ყოფილა.

ტრამპი და ჩინეთის პრეზიდენტი ტყუპები არიან.