"მომდევნო პატრიარქს, უფრო იოლი, ანუ გაკვალული გზა დახვდება" - დეკანოზი თეოდორე გიგნაძე

საქართველოს პატრიარქის ღვაწლსა და მის მიერ მომავალი პატრიარქისათვის გაკვალულ გზაზე ისაუბრა ტვ იმედის ეთერში დეკანოზმა თეოდორე გიგნაძემ.

„რასაც ჩვენ ახლა ვხედავთ, ეს ხომ საოცრებაა. ყველამ იცოდა, რომ პატრიარქი ხალხს უყვარდა, მაგრამ ასეთ რამეს ხომ არ მოველოდით, რაც ახლა ხდება.
რა თქმა უნდა, აქედან გამომდინარე ხშირად გაიგონებდით: - აი ვინ იქნება ახალი პატრიარქი, ასეთი პატრიარქის მერე როგორ უნდა შეძლოს პატრიარქობა...
მაგრამ მედალს ორი მხარე აქვს. ოპტიმისტურად შევხედოთ: ასეთი ნიშნული რომ გვაქვს, რას ნიშნავს? გზა გაგვიკვალა...
გზა გაკვალა ადამიანების გულებში, ცხოვრების წესში, თავმდაბლობაში და სიმშვიდეში, რაც არის უმთავრესი თვისება პატრიარქისა, რომელიც უშუალოდ ქრისტესგან აქვს, იმიტომ რომ უფალი ამბობს სახარებაში - "ისწავლეთ ჩემგან, რამეთუ მშვიდ ვარ და მდაბალ გულითაო."

ჰოდა, პატრიარქმა გაგვიკვალა გზა. მე ასე მგონია, რომ მომდევნო პატრიარქს, ვინცა იქნება, პირიქით უფრო იოლი, ანუ გაკვალული გზა დახვდება. მისთვის უფრო მარტივი იქნება, რომ ამ სიმაღლეზე ავიდეს, იმიტომ რომ ის სიმაღლე უკვე დაპყრობილია უახლეს ისტორიაში,“ - აღნიშნა დეკანოზმა.