მსუბუქი მარწყვის დესერტი ზაფხულის ცხელი დღეებისთვის

ჯანსაღი კვების კონსულტანტი ნინო სოსელია, გამომწერებს მარტივად მოსამზადებელი, მსუბუქი დესერტის რეცეპტს უზიარებს.

დესერტი 4 ინგრედიენტისგან შედგება, რამდენიმე წუთში მზადდება და ზაფხულის ცხელ დღეებს განსაკუთრებულად უხდება.

მსუბუქი მარწყვის დესერტი

ინგრედიენტები:

100 მლ რძე

10 გ ჟელატინი

200გ მარწყვი

150გ ბერძნული იოგურტი

მომზადების წესი:

1. ჟელატინი გახსენით თბილ რძეში.

2. მარწყვი და იოგურტი ათქვიფეთ.

3. ჩაასხით ჟელატინი.

4. ჩაასხით ფორმებში.

5. შედგით მაცივარში 30 წუთით.

6. გააფორმეთ და მიირთვით