ნანკა კალატოზიშვილი უცნობს სასამართლოში უჩივის

მსახიობი ნანკა კალატოზიშვილი მომღერალსა და ტელეწამყვანს - გია გაჩეჩილაძეს, იგივე "უცნობს", ცილისწამებისათვის სასამართლოში უჩივლებს.

ამის შესახებ ნანკა კალატოზიშვილმა „ფორმულას“ ეთერში განაცხადა.

„კაცი აცა-ბაცა, უცნობი განსაკუთრებული "სიყვარულით" არის ჩემ მიმართ განწყობილი და აუცილებლად შევხვდები სასამართლოში.

ახლა ახალი კანონი აქვთ მიღებული ცილისწამებაზე, პოსტებს და კომენტარებს დასდევენ სოციალურ ქსელებში და მოვიდეს სასამართლოში და მათივე ახლი კანონით, აქეთ დამიმტკიცოს ის ცილისწამება, რომელიც მე მორალურ ზიანს მაყენებს.

იმედია, მოსამართლე არ იქნება მიკერძოებული და როგორც სხვა ქალბატონებზე ცდილობს სამართალი აღადგინოს, იმედია, ჩემს უფლებებსაც დაიცავს,“ - განაცხადა ნანკა კალატოზიშვილმა.