"ნათელი დაადგეს შენს ლამაზ სულს, ჩვენო მზეჭაბუკო" - მორაგბე ლუკა კურტანიძე გარდაიცვალა

რაგბის კლუბი "ლელო" სამწუხარო ინფორმაციას ავრცელებს. გარდაიცვალა ლუკა კურტანიძე.

"ლელოს დიდი ოჯახის წევრი და ახლა უკვე დიდი გულის ტკივილი, ჩვენი კლუბის ერთ-ერთი გამორჩეული ახალგაზრდა, ლუკა კურტანიძე, დავკარგეთ.

ლუკა იყო ღირსეული, შრომისმოყვარე და თავდადებული მორაგბე, რომელიც ყოველთვის გულით ატარებდა "ლელოს" ფორმას. მისი ადამიანობა, მეგობრობა და გუნდურობა სამუდამოდ დარჩება ჩვენი კლუბის ისტორიაში და თითოეული ჩვენგანის გულში.

ვუთანაგრძნობთ ლუკას ოჯახს, ახლობლებს, მეგობრებსა და ყველა იმ ადამიანს, ვისთვისაც იგი ძვირფასი იყო.

ლელოს ოჯახი გლოვობს…
ღმერთს ებარებოდე ლუკა" - წერია კლუბის ფეისბუქგვერდზე.

***

როგორც კომენტარებში წერია, ლუკას გარდაცვალების მიზეზი სიმსივნე აღმოჩნდა.

"ნათელი დაადგეს შენს ლამაზ სულს, ჩვენო მზეჭაბუკო. მართალი უთქვამთ, ღმერთს კარგი უნდაო. შენი გაღიმებილი თვალები არასდროს დაგვავიწყდება. ძალიან დიდი ტკივილი ხარ ყველასთვის. უფალმა გამძლეობა მისცეს შენს მშობლებს, შენს ნათესავებს, შენს მეგობრებს."