ნევროზის გამომწვევი ფსიქო-ემოციური მიზეზები

„ნევროზი“- არაკლინიკური ტერმინია, რომელიც აღწერს ფსიქიკური აშლილობების სპექტრს და იწვევს მნიშვნელოვან შფოთვას ან მძიმე ემოციურ სიმპტომებს.

რა ფსიქო-ემოციური და ფიზიოლოგიური ფაქტორები ხდება ძირითადად ნევროზის გამომწვევი და რისი გათვალსიწინებაა საჭირო იმისათვის, რომ ორგანიზმი ზედმეტი სტრესისაგან დავიცვათ?

გაგიზიარებთ ექიმი ფსიქო-ბიოენერგოთერაპევტის თინათინ მაჩაიძის რჩევებს იმასთან დაკავშირებით, თუ როგორ უნდა მოვუსმინოთ საკუთარ სხეულს.

„ნევროზს ერთი კონკრეტული გამომწვევი მიზეზი არა აქვს. ჩვეულებრივ, ის სხვადასხვა ფსიქოლოგიური, ემოციური და ფიზიოლოგიური ფაქტორის ერთობლიობით ვითარდება.

ფსიქო-ემოციურ დონეზე ყველაზე გავრცელებული გამომწვებებია:

1. ქრონიკული სტრესი

დაძაბული ურთიერთობები, ფინანსური პრობლემები, სამსახურში გადატვირთული ან სტრესული გარემო, მუდმივი შიში და დაძაბულობა.

სტრესი ნელ-ნელა თრგუნავს გონებას და იწყებს ზედმეტ რეაგირებას პატარა მოვლენებზეც კი.

2. გადატვირთული ნერვული სისტემა

ძილის დარღვევა, მუდმივი დაღლილობა, ზედმეტი ემოციები – როდესაც ორგანიზმი ვეღარ ასწრებს დამშვიდებას, ნერვული სისტემა იწყებს “დაზიანებას”

3. დაუმუშავებელი ემოციები

როდესაც გროვდება:

• წყენა
• შიში
• ბრაზი
• სინანული
• გადატვირთული პასუხისმგებლობა.

ამ ემოციებს როცა არ/ვერ ვუშვებთ, უპირველესად ნერვული სისტემა რეაგირებს.

5.ტრავმები და ფსიქოლოგიური წნეხი

ბავშვობის ტრავმები, კრიტიკა, შეურაცხყოფა, განშორება, ურთიერთობაში რთული გამოცდილებები – ქმნის „ფონურ შიშს“, რომელიც შემდეგ ნევროზად ყალიბდება.

6. პერფექციონიზმი და ზედმეტი თვითკონტროლი

ყველაფრის სრულყოფილად გაკეთების მოთხოვნა საკუთარი თავისა და სხვის მიმართ, შეცდომების დაშვების შიში, ზედმეტი პასუხისმგებლობა → ნერვული გადაღლა.

7. ქრონიკული შიში და მოლოდინის სტრესი

“რა იქნება?”, “თუ ვერ შევძლებ?”, “თუ უარს მეტყვიან?” და ა. შ. – ასეთ ფონს მუდმივი შიდა დაძაბულობით ორგანიზმი მიჰყავს ნევროზამდეც.

ძირითადი ნიშნები, რომ ნევროზი ვითარდება

• უეცარი შიში ან პანიკა
• გულის რევა, თავბრუსხვევა
• კიდურების დაჭიმულობა
• ტვინის გადაღლა
• უძილობა
• მოუსვენრობა
• მარტო ყოფნის სურვილი
• ყველა ნიუანსის გაფილტვრა, ზედმეტი ფიქრი, აკვიატება.
• ინტერესის დაკარგვა
• საყვარელ ადამიანთან ურთიერთობებით დაღლა და სხვა.

თუ ყურადღებას მიაქცევთ თქვენი ორგანიზმიდან წამოსულ შეტყობინებას, თქვენ შეძლებთ ნერვული სისტემის გადაღლის ადრეულ ნიშნების აღმოჩენას და დაიცავთ თავს შემდგომი გართულებისგან,“ - ამბობს ექიმი.