პარაბენებზე და ფტალატებზე უარის თქმა ძუძუს კიბოს აგარიდებთ

პირადი ჰიგიენისა და კოსმეტიკის საშუალებებიდან პარაბენებისა და ფტალატების ამოღებამ, შესაძლოა მკვეთრად შეამციროს ძუძუს კიბოს განვითარების რისკი .

ჟურნალ Chemosphere-ში გამოქვეყნებული პუბლიკაციის თანახმად 28 დღის განმავლობაში ჩატარებულმა კვლევამ, სადაც ფტალატები და პარაბინები ხმარებიდან ამოიღეს, სარძევე ჯირკვლის ქსოვილში კიბოსთან დაკავშირებული ცვლილებების შეჩერება დაადასტურა.

კვლევის შედეგად აღმოაჩინეს, რომ კონსერვანტებისა და არომატიზატორებისათვის თავის არიდებამ, სარძევე ჯირკვლის ნიმუშებში მოლეკულური გაუმჯობესება გამოიწვია.

ეს სწრაფი ცვლილება კიდევ ერთხელ ადასტურებს, თუ როგორ შეიძლება ცხოვრების წესის ხანმოკლე ცვლილებებმაც კი ღრმა გავლენა მოახდინოს უჯრედულ ჯანმრთელობაზე.

პარაბენები და ფტალატები ცნობილია როგორც ესტროგენის მიმბაძავი ენდოკრინული სისტემის დამრღვევები. ესტროგენი კი ის ჰორმონია, რომელიც ძუძუს კიბოს რისკს ზრდის.

კვლევის ფარგლებში მეცნიერებმა შეადარეს ქსოვილი „ქიმიური დეტოქსის“ დაწყებამდე და შემდეგ — და საოცარი შედეგი მიიღეს:

ქსოვილზე ზემოქმედება, რომელსაც იწვევს ასეთი ქიმიკალები (ე.წ. ქსენოესტროგენები), შესაძლოა შექცევადი იყოს, თუკი ადამიანი დროებითაც კი შეამცირებს მათ მიღებას.

მკვლევრები ამბობენ, რომ ეს მიგნება კიბოს პრევენციის საკითხში ახალ კარს ხსნის და ძალიან ძლიერი, იმედისმომცემი გზავნილია: ყოველდღიურ ქიმიურ ნივთიერებებთან კონტაქტის შემცირებას თქვენი ჯანმრთელობის შეცვლა სულ რამდენიმე კვირაში შეუძლია.