რა ასაკიდან შეიძლება მივცეთ ბავშვს მანდარინი? - პედიატრი თამარ ობგაიძე

ზამთრის მოახლოებასთან ერთად, მანდარინი ჩვენი რაციონის განუყოფელი ნაწილი ხდება, თუმცა ბევრ მშობელს აინტერესებს, როდის არის უსაფრთხო მისი ჩართვა ბავშვის კვებაში, იწვევს თუ არა ეს ციტრუსი ალერგიას და რა რაოდენობით უნდა მივიღოთ ის?

ექიმი თამარ ობგაიძე დეტალურად განიხილავს მანდარინის დადებით თვისებებს, მის როლს იმუნიტეტის გაძლიერებაში და იმ სიფრთხილის ზომებს, რაც ყველა მშობელმა უნდა გაითვალისწინოს.

„მოდით, ვისაუბროთ ყველასთვის საყვარელ ციტრუსზე - მანდარინზე. მანდარინი არის ვიტამინების, განსაკუთრებით კი C ვიტამინის საუკეთესო წყარო, რაც ზამთრის პერიოდში იმუნიტეტის გასაძლიერებლად ძალიან მნიშვნელოვანია.

ხშირად მეკითხებიან: რა ასაკიდან შეიძლება მივცეთ ბავშვს მანდარინი? მისი შეყვანა რაციონში სასურველია 6 თვის ასაკიდან, მას შემდეგ, რაც ბავშვი უკვე გაეცნობა ძირითად ბოსტნეულს და ხილს. თუმცა, გახსოვდეთ:

1. დაიწყეთ მცირე რაოდენობით: მანდარინი ითვლება ალერგიულ პროდუქტად, ამიტომ პირველად მიეცით მხოლოდ ერთი პატარა ლებანი და დააკვირდით რეაქციას 24 საათის განმავლობაში.
2. გაასუფთავეთ კურკებისგან და კანისგან: ბავშვისთვის მანდარინის მიცემისას აუცილებელია მოაშოროთ თხელი კანიც, რათა თავიდან აიცილოთ გადაცდენის რისკი.
3. ზომიერება: მიუხედავად იმისა, რომ სასარგებლოა, ჭარბი რაოდენობით მიღებამ შეიძლება გამოიწვიოს კანზე გამონაყარი ან კუჭ-ნაწლავის გაღიზიანება.

გახსოვდეთ, რომ ხილი ყოველთვის სჯობს ნატურალურ წვენს, რადგან ის შეიცავს უჯრედისს, რაც მონელებისთვის აუცილებელია,“ - გვირჩევს ექიმი.