რა რჩევას აძლევს სოფია ბზეკალავა სასწორებს

მალე სასწორის ზოდიაქოს დეკადა შემოაბიჯებს. სასწორები დაბადებულნი არიან 24 სექტემბრიდან 24 ოქტომბრის ჩათვლით.

ზოგადი მიმოხილვის მიხედვით, ეს ყველაზე მშვიდობისმოყვარე ნიშანია. სასწორები აფასებენ სილამაზესა და ჰარმონიას ყველა თავის გამოვლინებაში: უყვართ პეიზაჟებით ტკბობა, დახვეწილი სამოსის ტარება და საინტერესო, სულიერად მდიდარ ადამიანებთან ურთიერთობა.

სასწორები ქვეცნობიერად ისწრაფვიან ჰარმონიისა და წონასწორობისკენ, ხოლო თუ ვერ იპოვეს, იბნევიან და არ იციან, როგორ იმოქმედონ მოულოდნელ ვითარებებში, მითითებებს გარედან ელოდებიან.

სასწორებს ხშირად საყვედურობენ არაპრაქტიკულობისა და ზედმეტი მეოცნებეობის გამო, უყვართ ოცნება, უფრო მსჯელობა, ვიდრე მოქმედება, ეშინიათ მარცხისა და წარუმატებლობის.

ცხოვრებაში საკუთარ დანიშნულებას დიდი ხნის განმავლობაში ეძებენ; არ მუშაობენ ისეთ ადგილას, სადაც თავს კომფორტულად ვერ გრძნობენ და ადგილას, სადაც, მათი აზრით, რაიმე ფასეულობა არ გააჩნია. ამის გამო ხშირად ზარმაცსა და განებივრებულს უწოდებენ. მაგრამ ეს სულ ასეც არ არის, რადგან, თუ მათ თავიანთი ნიჭის გამოყენების არეალი იპოვეს, მთლიანად საქმეში ეფლობიან.

მათი ღირსებებია კომუნიკაბელურობა, ტაქტიანობა და პატიოსნება. არიან უანგარო მეგობრები, ბრძენი მრჩევლები, რომლებსაც შეუძლიათ რაციონალურად შეაფასონ ვითარება და გამოიტანონ შესაბამისი დასკვნები.

ასტროლოგი სოფია ბზეკალავა კი სასწორებს მიმართავს.

"ყველაზე მთავარი შანსი, რაც ამ თვის ბოლომდე გექნებათ, საკუთარ თავთან დალაგების შესაძლებლობაა. შანსი მიხვდეთ, რომ საკმარისი ხართ და არ ხართ ვალდებული, ვინმეს რამე უმტკიცოთ. არც არის საჭირო, რაც არ უნდა, ამ კუთხით გარემოებებმა ხელი შეგიწყოთ. ჩემი რჩევა იქნება, ნუ შეგეშინდებათ იყოთ განსხვავებული და უნიკალური!"