რა უნდა ვიცოდეთ პანიკური შეტევის შესახებ? - ფსიქიატრი გიორგი ჭეიშვილი

გული იწყებს სწრაფად ცემას, სუნთქვა გიჭირთ. გგონიათ, რომ რაღაც საშინელება ხდება, ან შესაძლოა ჩნდება შეგრძნება, თითქოს კვდებით. ამ სიმპტომების შემდეგ მიდიხართ ექიმებთან და გეუბნებიან, რომ თქვენი გული არის სრულიად ჯანმრთელი.
ეს პანიკური შეტევაა. ექიმები შეგვახსენებენ, რომ რომ პანიკური შეტევა ძალიან მძაფრი და შემაშინებელია, თუმცა ის სიცოცხლისთვის სრულიად უსაფრთხოა.

რა არის პანიკური შეტევა და რას უკავშირდება მდგომარეობა, რომელიც ასიათასობით ადამიანს ყოველდღიურად ურთულებს ცხოვრების ხარისხს?
ამ საკითხზე ისაუბრა ფსიქიატრმა გიორგი ჭეიშვილმა სოფო ჯაფარიძის პოდკასტში "მედგიდი".

„პანიკური შეტევის დროს არის წვა, ტკივილი გულმკერდის არეში, მკერდის ძვლის უკან, გულისცემის აჩქარება, სუნთქვის გაძნელება. ძალიან ჰგავს სტენოკარდიული შეტევის სიმპტომებს, ძალიან.

ამიტომ ჰგონიათ ადამიანებს, რომ ინფარქტი აქვთ.მათ შორის ექიმებსაც . გამოცდილი ექიმიც შეიძლება დაიბნეს და საკუთარი შფოთვა სტენოკარდიულ შეტევაში აერიოს.
სასურველია ადამიანმა გადახედოს თავის კვებას, მოიწესრიგოს ძილის გრაფიკი, მოერიდოს სტიმულანტებს, როგორიცაა კოფეინი და გაზიანი სასმელები, ივარჯიშოს ფიზიკურად,“ - გვირჩევს ფსიქიატრი.