რამ შეიძლება გამოიწვიოს ღვიძლის გაცხიმოვნება?

ღვიძლის გაცხიმოვნებასთან დაკავშირებული პრობლემები ხშირად იწვევს გაურკვევლობას პაციენტებში.
პაციენტთა ნაწილში გაკვირვებას იწვევს ის, რომ მოწესრიგებული კვების რეჟიმის მიუხედავად ღვიძლი გაცხიმოვნებულია.
ექიმი ჯაბა ზარქუა ხშირად დასმულ კითხვაზე პასუხობს:

კითხვა: ექიმო, გამხდარი ვარ და ღვიძლის გაცხიმოვნება მაქვს, მაშინ როცა ჩემი მეგობრები ჩემზე მეტსაც სვამენ, ჭამენ და ეს არ სჭირთ. რატომ?

პასუხი: გენეტიკამ შეიძლება თქვენი ღვიძლი მეტად მგრძნობიარე გახადოს ცხიმის ჩალაგებისა და დაზიანების მიმართ, იმ შემთხვევაშიც კი, თუ თქვენი ცხოვრების წესი სხვების ანალოგიურია ან მათზე უკეთესიც კია. ისეთი სპეციფიკური გენეტიკური ვარიანტები, როგორიცაა PNPLA3 (კერძოდ, p.I148M ვარიანტი), TM6SF2 და MBOAT7, სარწმუნოდ არის ასოცირებული ღვიძლის გაცხიმოვნების პროგრესირების რისკთან. თუ თქვენ ამ ვარიანტების მატარებელი ხართ, მეტაბოლური სტრესის გავლენა თქვენს ღვიძლზე ბევრად ძლიერი იქნება, ვიდრე იმ პირებში რომლებსაც ეს ვარიანტები არ აღენიშნებათ.